DILI, STLTIMORLESTE.com – Kompanhia Haksolok halo konstrusaun ba monumentu Bispu, Padre, Madre no Relijiozu sira neebe kontribui ba rai doben Timor Leste.
Lia hirak nee hatoo husi Manajer Kompanhia Haksolok, Horacio de Sousa iha Katedral Dili, Tersa (4/8/2026).
“Ita nia konstrusaun obra ba Monumentu Bispu, Padre, Madre sira hahu iha fulan Junhu 2026, no oras nee daudaun konstrusaun atinji ona 90%,” dehan Horacio.
Obra monumentu nee halo konstrusaun hahu iha fulan Junhu 2026 no sei termina iha loron 15 Agostu 2026, tanba nee esforsu makaas hodi halo servisu nunee termina obra tuir data neebe iha hodi entrega ba igreja no governu.
Nia haktuir, konstrusaun ba monumentu lao ho diak, tanba kolabora diak ho parte Dioseze nomos ADN.
Manajer Kompanhia Haksolok nee esplika, iha monumentu nee sei tau estatua preladus Bispu nain haat, Dom Jaime Gracia Gaulart, Dom José Joaquim Ribeiro, Monsenor Martinho da Costa Lopes no Dom Alberto Ricardo da Silva, estatua nee halo iha Indonezia kompletu ona.
Nunee halo mos rate restu mortais preladus Bispu nain haat neebé sei haloot iha igreja laran husi parte liman los nian.
Nia dehan, Kompanhia prepara plaka Bispu nain haat ho historia.
Trabalhador neebe halo konstrusaun monumentu nee husi Indonezia nain lima no Timor oan lubuk ida, konaba orsamentu nebe aloka ba obra sira la koalia.
Iha Fatin hanesan, Amu Paroku Se Katedral Dili, Padre Paulus Maya hatete, preparasaun hodi haloot restu mortais Amu Bispu sira nian mak iha igreja laran ho monumentu neebé oferese husi governu hodi dedika ba Bispu, Padre, Madre no Relijiozu sira neebe fo sira nia aan ba mate, ita bele dehan kontribui ba ita nia ukun rasik aan,” hatete Pe.
Tanba nee, prosesu ba iha faze konstrusaun preparativa lao hela, kompanhia halo hela servisu too loron konstrusaun finaliza hein Restu Mortais Bispu sira too haloot iha Se Katedral Dili.
Tanba sira aselera servisu nee para hotu lalais, atu loron neebe governu deside ona para kompania bele entrega.
Pe. Paulus haktuir, kompanhia halo konstrusaun ba monumentu nee husi Kompanhia Haksolok, no no obra nee hahú iha fulan Junhu, tuir planu obra sei entrega iha meadu fulan Agostu nee.
Tuir obsevsaun iha Igreja Katedral Dili, trabalhador sira servisu namanas hodi halao servisu ba monumentu nee, nunee iha Igreja sorin parte liman los nian dalan ninin kompania hahu tau ona plaka ba preladus Bispu nain haat nian.
Translasaun Restu Mortais Prelados Bispu nain tolu sei too TL iha loron 1 Setembru 2026 hamutuk ho Restu Mortais Dom Alberto Ricardo da Silva sei tau iha Tasi Tolu no Restu Mortais Monsenor Martinho da Costa Lopes sei lori ba Laleia hafoin translada mai Tasi Tolu, restu mortais Bispu nain haat tau Tasi Tolu durante loron sanulu, atu nunee sarani sira hodi velada iha dia 10 Setembru, misa hahú tuku 05.00 loraik, depois de misa transladasaun restu mortais Bispu nain haat sei loro ba haloot iha Se Katedral Dili.
- Dom Jaime Garcia Goulart (Administrador Apóstolico da Diocese de Dili 1941-1945 e Primeiro Bispo da Diocese de Dili 1945-1967.
- Dom José Joaquim Ribeiro Bispo Coajutor (1965-1967) e Segundo Bispo da Diocese de Dili 1967-197.
- Monsenhor Martinho da Costa Lopes (Administrador Apóstolico “Ad Nutum Sanctae Sedis” da Diocese de Dili 1978-1983.
- Dom Alberto Ricardo da Silva, Bispo da Diocese de Dili 2004-2015.
(joa)
