DILI, STLTIMORLESTE.com – Polisia Nasional Timor Leste (PNTL) hetan opurtunidade kona-ba vaga eskola medisina nian, tanba nee Membru PNTL nain 15 tuir ona teste kona-ba eskola medisina nian iha Xina.
“Ita nia membru PNTL nain 15, ita hetan oportunidade kona-ba vaga ida ba eskola medisina nian Xina,” hatete Komandante Jerál Polisia Nasionál TimorLeste (PNTL), Komisariu Jerál Polísia Henrique da Costa ba jornalista sira iha Sentru Formasaun Polísia (SFP) Komoro Dili, Segunda (09/06/2025).
Nia dehan, vaga kona-ba eskola medisina nian nee presiza nain 1, maibe PNTL hakarak nain 15 mak kompete ba vaga nee rasik.
“Ba eskola iha Xina nee ita hetan vaga nee nain 1 deit, maibe ita fo oportunidade ba membru nain 15 atu tuir teste nee, depois sira fo mai tenke ho idade 30, entaun ita iha membru nain 15 mak sei prienxe hela rekezitus nee, entaun sira nee sei teste, depois ekipa juri nee husi PNTL rasik nomos Ministeriu Interior,” nia deklara.
Nia informa, iha membru nain 15 ohin tuir teste kona-ba eskrita depois sei kontinua ba entrevista nian, depois nain 1 mak sei eskola medisina iha Xina.
“Vaga nee ba ema nain 1 deit, maibe ohin hau hatete ba sira katak, imi la pasa mos ida nee hanesan esperiensia ida ba imi no sai ba liur buka nafatin kursu ruma, tantu krusu neebe Instutisaun PNTL oferese nomos krusu neebe imi nain buka rasik iha liur, no perepara aan atu nunee aban bairua oportunidade tuir mai bele ba aplay fila-fali,” nia informa.
Iha fatin ketak, Akademista UNTL, Adérito da Silva deklara, Governu no parseiru sira tenke loke oportunidade eskola kona-ba ingles nian iha Australia no Portugal nomos kursu kona-ba lian ingles no português, tanba membru tenke hatene liangua rua nee, atu nunee sira bele fasil hodi implementa iha sira nian servisu loron-loron.
“Oportunidade neebe tenke fo hela deit ba Instituisaun PNTL no F-FDTL, hanesan eskola iha Australia no Portugal, nomos kona-ba kursu lian ingles no Portugés, tanba língua nee importante tebes-tebes ba membru sira,” nia afirma.
(jen)
