DILI, STLTIMORLESTE.com – Ministeriu Negosiu Estranjeiru no Kooperasaun Autoridade Aduaneira ho Japaun International Cooperation Agency (JICA) realiza workshop kona-ba fasilitasaun komersiu liu husi modernizasaun ba operasaun alfandega no janela uniku.
Objetivu husi workshop nee atu asegura ita nia ema sira nia konesimentu, liu -liu koalia kona-ba fasilitasaun komersiu no asegura janela unika.
Iha workshop nee halibur partisipantes hamutuk nain 50 ba organizasaun sira neebé uza janela uniku nasional, workshop halao durante loron tolu, hahu husi loron 16-18 Junhu 2026.
Komisariu Autoridade Aduaneira, Joanico Pinto hatete, nuudar membru estadu ba ASEAN nee iha obrigasaun balun neebe halo liu-liu ba akordu sira neebé Parlamentu ratifika ona, akordu ida mak koalia kona-ba A3, iha elementu lubuk ida iha laran inklui ida mak atu entrega sistema janela unika, janela nasional nee ba sistema janela unika ASEAN nian.
Tanba nee hamutuk ho Governu Japaun liu husi JICA iha fulan hirak ba kotuk haruka tiha ita nia ofisial sira halo estudu dekomparativu ida lao PDR, husik sira pratika iha neeba, tanba lao PDR nee baliza mos Thailandia, Kambodia, Terestre, iha neeba tanba husi kontinuasaun nee.
“Ohin ita organiza workshop ida nee para aleinde fahe esperiensia husi Lao PDR nia mai ita, envolve ajensia governu hotu envolve iha asuntu fasilitasaun komersiu iha workshop nee para hotu-hotu bele entende katak aleinde regras no lei neebe ita iha, ita kumpri ba padraun internasional liu-liu padraun estadu neebe adere ona,” hatete Komisariu Autoridade Alfandega, Joanico Pinto ba jornalista sira iha MNEK, Tersa (16/6/2026).
Nia dehan, liu husi workshop bele hatene saida presiza ajusta para melhoria sistema atendimentu sira agora iha nee bele kumpri duni prazu neebe mak ASEAN fo ba Timor, katak too iha loron 1 Janeiru 2028 iha periode tranzisaun tinan rua deit para atu ajusta.
Nia dehan, iha tinan 2028 Timor tenke implementa full ona obrigasaun iha akordu nee.
“Ita iha sistema unika janela nasional liu husi rezolusaun governu nian uza plataforma asekuda word nee mak halo janela unika nasional,” dehan nian.
Janela unika nasional agora konekta tiha ona ajensia govermental 14, neebé nia involve direita iha autorizasaun lisensa kona-ba importasaun no eskportsaun nee konekta, maibe buka nafatin inklui banku tinan kotuk Alfandega koneksaun ho BNCTL ema nia pagamentu impostu sira nee lalika lori osan cash pasta boot ba antri iha banku, maibe nia bele selu liu husi aplikasaun telemovel internet mobile banking iha neebe deit bele tasa nee.
Entretantu Counselor or Deputy of Mission , Embassy of Japaun Japaun, SAKAI Yuki hatete, kontente hodi partisipa iha eventu abertura workshop kona-ba fasilitasaun komersiu liu husi modernizasaun operasaun Alfandega no single window.
Workshop ida nee hanesan parte husi projeitu reforsa koordenasaun no monitorizasaun ba adezaun ASEAN neebe JICA, MNEK no Autoridade Alfandega Timor-Leste ho apoiu importante husi Departamentu Alfandega Laos.
Nia dehan, reforsa administrasaun Alfandega nuudar perioridade importante ba TL, liu-liu nasaun nee lao ba oin ho prosesu adezaun ba ASEAN no prepara aan ba aumentu movimentu Komersiu iha futuru.
“Hau komprende Autoridade Alfandega TL halo ona esforsu boot atu dezenvolve prosedimentu sira neebé efisiente liu tan.
Tanba nee workshop ohin loron fo oportunidade diak ba partisipantes hotu atu aprende husi konhesimentu no esperiensia husi nasaun Laos.
(joa)
