DILI, STLTIMORLESTE.com – Sekretariu Jeral Partidu FRETILIN, Mari Alkatiri hatete, orsamentu neebe Governu aloka ba infraestrutura ho montante boot, tanba nee nia husu Governu atu esplika klaru montante osan ba estrada kilometru ida hira.
Nia dehan, montante orsamentu neebe aloka ba iha infraestrutura ho montante boot, maibe too oras nee seidauk kaer numeru kada kilometru hira, tanba nee husu Governu atu halo esplikasaun klaru estrada iha Dili kilometru ida ho osan montante hira.
“Laos deskonfia hau buka esklaresimentu, deskonfia ka la deskonfia nee ikus fali, hau hanesan opozisaun hau iha direitu atu husu Governu halo esklarese,” dehan Sekretariu Jeral Partidu FRETILIN, Mari Alkatiri ba jornalista sira iha konferensia imprensa neebe halao iha nia knaar fatin, Farol, Dili, Kuarta (12/03/2025).
Eis Primeiru Ministru iha I no VI Governu nee hatutan, tinan 2011 too 2024 loke ba fundu infraestrutura mil milhaun US$ 5.9, iha 23 Setembru 2024 ezekusaun ba fundu infraestrutura nee kiik tebes milhaun US$ 89 nee ba 2024, maibe haree ezekusaun mil milhaun US$ 3.6 husi 2011 too 2024 signifika saida ezekusaun 30% deit se ezekusaun mak ida nee signifika katak sei hela 2 pontu entre coisas mil milhões, 2 bilhões US$ 70 milhões osan nee sei hela iha neeba seidauk ezekuta.
Orsamentu 2024 nia restu US$ 20 milhaun ital ho orsamentu 2025 trezentos ital milhaun signifika quinhentos ital milhões ba infraestrutura, tanba nee mak US$ 5.9 mil milhões saldo mak US$ 2.3 milhões saldo husi tinan 2011 too 2024, 2.3 milhões.
Valor total estimativu ba 2025 se konta husi 2011-2024 estimativus ba 2025 deit US$ 3.25 mil milhões nee laos osan oituan, nee ba fundu infraestrutura husi nee US$ 3.25 mil milhões nee pagamentu efetuadu too Dezembru 2024 US$ 613 mil milhões nee so ba estrada no ponte US$ 1.4 mil milhões, osan sira nee akumula iha neebe deit.
“Fiar katak iha tizouru entau husu tan husu tan nee halo saida, Dezembru 2025 seidauk sai, tanba nee hau mos seidauk koalia tanba seidauk iha informasaun maibe importante ita hatene mak nee osan ba infraestrutura mak hau fo nee, orsamentu tomak hira fali, agora hau husu fali agora ita haree infraestrutura mak importante liu fali, liu-liu estrada no fontes ho kontrola de libeiras mais liu-liu estrada, hau hakarak hatene lo-loos estrada sira nee, hau hatene ona maibe hau hakarak sira responde estrada ida 1 kilomentru iha Dili nee folin hira, mais hau hatene 3×4 kali lipat nee hau hatene hau seidauk, mais hau hakarak rona resposta estrada kilometru 1 iha Dili nia folin hira, hatan mai nunee aban bainrua labele dehan fali kamra de kontas mak sala, hatan deit mai,” katak Mari.
Nia hatutan, nia lao atu fo informasaun keta tuur primeiru andar la konsege kontrola, entaun nia servisu mak lao iha kraik atu kontrola hodi fo informasaun, tanba osan nee sei barak maibe Governu husu tan halo saida, no segundu infraestrutura halo ikus ikus nee estrada kilomentru ida folin hira.
“Se iha foho media mak US$ 1 milhaun ba 1 kilometru, iha sidade labele agora 2x lipat osan ba neebe,” katak nia.
(eme)
