DILI, STLTIMORLESTE.com – Tuir Diretór Servisu Kompras iha Institutu Nasionál Farmásia Produtu no Médikamentu (INFPM), Sergio da Costa Belo hateten, Orsamentu Ratifikativu tinan 2026 INFPM nian hamutuk US$ 8.7 milhoes hodi sosa ekipamentu reajente sira.
“Orsamentu Ratifikativu tinan 2026 mai INFPM hamutuk US$ 8.7 milhoes, barak liu ita atu kompras reajentes nee total US$ 3 milhoes resin, restu nee ba iha aimoruk no konumaveis sira inklui selu taxa,” hatete Diretór Servisu Kompras iha Institutu Nasionál Farmásia Produtu no Médikamentu (INFPM), Sergio da Costa Belo ba jornalista sira iha nia knaar fatin armazen INFPM Kampung Alor Dili, Kuarta (10/06/2026).
Nia esplika, orsamentu nee bele dehan sufisiente hela, tanba ninia natureza emerjensia atu responde ba nesesidade medikamentu nian, tanba haree ba funu iha media oriente kleur bele uza osan nee hodi kompras nesisidade aimoruk neebe mak Timor Leste (TL) presiza.
Antes nee Diretor Nasionál Farmásia Produtu Médiku (DNFPM), Delfim Ferreira informa, INFPM sei kompra aimoruk ho emerjensia ho orsamentu ratifikativu neebe Governu aprova no sei kompras fila -fali ba aimoruk sira neebe mak presiza liu, entaun orsamentu neebe atu sosa nee total hamutuk US$ 8.7 milhoes.
“Entaun ami prepara fila- fali lista kuantifikasaun ida adisional hodi ajusta kompras ba orsamentu nee iha fulan ida ka rua nia laran,” nia afirma .
(jen)
