DILI, STLTIMORLESTE.com – Padre Richardo Pasang, SVD hatete, atu susesu presiza esforsu aan akompanha ho orasaun, tanba laiha vitoria se laiha luta.
Padre Richardo Pasang hatoo kestaun nee liu husi nia refleksaun ba loron Sesta )30/05/2025) Semana VI do Tempo Paskoa Act. 18 : 9 – 18 Jo. 16 :20 – 23.
Padre dehan, moris iha mundu sempre hasoru terus no dezafiu oin-oin iha moris, maibe husi terus no susar sira nee ema esforsu aan luta ba oin akompanha ho orasaun mak husi terus no susar bele nakfilak ba kontente ho ksolok.
“Ita sempre rona liafuan espresaun nunee sempre iha arco-iris (Pelangi) depois udan, laiha vitoria se la iha luta no seluk tan, loron ida ohin ita mos rona liafuan espresaun hanesan husi Jesus Kristu Imi sei hasoru terus/miseria maibe miseria sei muda sai ksolok/alegria. Jesus hatoo liafuan hirak nee hodi kompara ho inan ida neebe tur ahi ho terus maibe nia kontente tanba nia bebe moris ho diak,” dehan Padre.
Padre dehan, nuudar ema kristaun Katolika buat neebe garantia ema nia ksolok mak presiza haraik aan no nafatin reza, hanesan Jesus terus no mate iha kruz hodi kasu ema nia sala.
“Se nunee, saida mak garante ita nia ksolok nuudar ema kristaun Katolika? Jesus nia resposta mak Jesus rasik. Nia mai moris hanesan ita hamutuk ho ita too hili dalan terus katak haraik-an sim, terus no mate iha Kruz. Maibe, depois akotesimentu nee, Nia moris hias ho gloria,” katak Padre.
Bibi atan kreda Katolika dehan, matawen terus Sesta feira nakfilak sai hamnasa alegria iha loron Paskua, katak Nia moris hias husi mate. Tan nee, ema hotu moris hias hamutuk ho Nia husi ema nia frakeza, husi kbiit laek sira. Ba ema Jesus dehan “Husu ba mak imi sei hetan, atu hakonu liu tan imi nia ksolok,” hakotu.
Iha biban nee Padre harohan nafatin ba Nai leten aas atu akompanha ema idak-idak iha moris loron-loron “Vivat Deus Unus et Trinus in Cordibus Nostris, Nai haraik bensaun ba ita hotu,” hakotu.
(eme)
