DILI, STLTIMORLESTE.com – Daudaun nee Polísia Nasionál Timor Leste (PNTL) liu husi Departamentu Investigasaun Kriminal (DIK) no Forensik halo buska no aprensaun ba suspeitu nain rua ho inisial IFP, NS neebe mak envolve iha krimi trafiku umanu, tanba rekruta sidadaun Timoroan sira ba servisu iha Slovakia.
Observasaub STL nia iha terenu, Departamentu Investigasaun Kriminal Nasional no Forensik halo buska no apreensaun ba suspeitu sira nia rezidensia iha area Beto, Suku Madohi, Bebora, Bairo Pite. Depois Atividade buska no apreensaun ne’ebé ekipa PNTL halo hahu ohin loron 04 de Junhu de 2025 tuku 09:14 dader ba suspeitu sira nia rezidensia Beto no Bebora.
Tuir komunikadu Media PNTL nian neebe STL asesu katak, Departamentu Investigasaun Kriminal no Forensik Komandu Jerál PNTL halo buska no apreensaun ba suspeitu nain nain rua nia uma iha Beto no Bebora ezekuta mandadu Tribunál ho NUC 0139/25.PNSIC.
Husi komunikadu neebe STL asesu fundamenta ho hahalok suspeitu nain rua nee Ministeriu Publiku (MP) promove ho krime 60 no 61 husi Kódigu Prosesu Penal neebe koalia konaba direitu no dever arguidu nian. No Ministeriu Publiku promove mos ho artigu 186 kona ba Hadoir iha fatin sira seluk neebe taka ba publiku husi Kodigu Penál Timor-Leste.
Evidensia neebe ekipa Departamentu Investigasaun Kriminál no Forensik rekolla iha suspeitu nain tolu nian rezidensia mak hanesan dokumentu sira hamutuk envelope rua neebe nakonu ho dokumentu neebe durante suspeitu sira uza hodi halo rekrutamentu ba timor oan sira.
Dokumentu referida sira nee Departamentu Investigasaun Kriminal foti iha suspeitu sira nia edifisiu ne’ebé lokaliza besik suspeitu sira nia fatin.
Depois agora dadaun suspeitu nain rua agora dadaun submete ona prosesu identikasauun iha Departamentu Investigasaun Kriminal Komandu Jeral PNTL Kaikoli.
(jen)
