DILI, STLTIMORLESTE.com – Padre Rikardus Pasang, SVD hatete, atu sai Kristu nia ema lo-loos ema tenke buka dame malu uluk antes halo orasaun.
Padre Rikardus Pasang, SVD hatoo kestaun nee ba STL liu husi nia refleksaun Kinta nee (11/06/2026) konaba komemorasaun obrigatorio São Barnabe, apostolu kor liturjia mean Leitura Atus Apostolu 11:21b-26; 13:1-3 no Mateus 5:20-26.
Padre dehan, leiturua rua nia kontiudu apostolu sira nia hahalok, Barnabe hetan naran ema diak, nakonu ho Espiritu Santu no fiar. Nia mak ba buka Saulo iha Tarsu, foti nia ba antiokia, no tinan ida nia laran hanorin iha neeba. Iha Antiokia mak estudante sira hetan naran dahuluk Kristu-nian kristaun hafoin Espiritu Santu hili Barnabe no Saulo ba misaun.
Evanjelhu Mateus 5:20-26: Jesus husu ema atu moris loloos tenke liu fali saserdote lei nian. Se o hakarak fo sakrifísiu maibe hanoin katak iha ema neebe laran moras ba o, hadia uluk relasaun nee hafoin fo ofertori.
“Signifikadu importante aai Kristu nian, Kristaun ho naran dame, Barnabe oan konsolasaun nian. naran sai orasaun nia fo kbiit, laos fo todan. Tan nia, Saulo sai Paulo. Tan nia, antiokia iha komunidade neebe brani foti naran Kristu nian ou Kristaun, Jesus fo hanoin sai Kristu-nia emar laos deit KTP. Ita nia moris loloos tenke loos duni brani dame uluk antes ba orasaun,” dehan Padre.
Pontu tolu importante loron nee, premeiru sai Barnabe ba ema seluk, iha Saulo ruma iha o nia sorin neebe presiza ba jemput husi ninia tarsus? kolega neebe monu, família neebe dook sai konsolador, laos juis. Segundu dame uluk, hafoin orasaun, iha kanek, fuan-manas, moras, chaat neebe seidauk responde? Jesus dehan husik hela o nia orasaun. resolve uluk, orasaun laiha dame mamuk. Terseiru dignu hetan naran Kristu nian, naran Kristu-nian moris tanba antiokia nia komunidade nia moris. Ema haree, hafoin dehan sira mak Kristu nia emar. ema nia moris loron nee, se ema haree, sira dehan saida.
Padre hatutan, asaun ida minutu haruka mensajen ida perdaun ka hau iha nee ba o. Nee o nia altar dame nian. Hafoin mak, foti o nia orasaun.
“Maromak fo bensaun atu ita sai Barnabe ba tempu agoram konsolador, ema dame nian, sasin Kristu nian,” hakotu.
(eme)
