DILI, STLTIMORLESTE.com – SEATOU no MOP vizita Xefe Estadu Maior Jenerál F-FDTL hodi hametin relasaun institusionál no kooperasaun entre instituisaun sira.
Sekretáriu Estadu Asuntu Toponímia no Organizasaun Urbana (SEATOU), Germano Santa Brites Dias, hamutuk ho Ministru Obras Públika (MOP), Samuel Marçal, vizita Tenente-Jenerál Domingos Raúl “Falur Rate Laek” iha Kuartél Jenerál F-FDTL, Fatuhada, Dili, Sesta-feira (06/11/2026).
Tuir Komunikadu Imprensa F-FDTL ne’ebé STL asesu, vizita ne’e ho objetivu atu troka hanoin no hametin relasaun institusionál entre Governu no Forças Armadas.
Enkontru ne’e sai oportunidade ba autoridade sira atu ko’alia kona-ba asuntu sira ne’ebé iha interese ba instituisaun ida-idak.
Parte sira mós diskute kona-ba koordenasaun no kolaborasaun entre instituisaun sira atu hametin servisu hamutuk iha futuru.
(jen)
