DÍLI, STLTIMORLESTE.com — Timor-Leste empata 2-2 ho Cambodia iha FIFA ASEAN Cup 2026, Divizaun 2, Grupu B, Quarta-feira, 30 Setembru 2026.
Partida ne’e realiza iha Kai Tak Sports Park, Hong Kong, no hahú tuku 17:00 oras lokal. Rezultadu ne’e fó pontu ida ba Timor-Leste.
Timor-Leste loke konta liuhusi João Pedro iha minutu 17, maibé Cambodia responde ho Andres Nieto iha minutu 28.
Andres Nieto fila fali marka golu daruak ba Cambodia iha minutu 38, halo Cambodia lidera 2-1 to’o remata primeiru tempu.
Iha tempu daruak, Corsino Lemos hatama golu ba Timor-Leste iha minutu 56, hodi halo rezultadu sai 2-2 to’o apitu final.
Antes partida ne’e, Timor-Leste derrota 0-2 kontra Myanmar iha Mong Kok Stadium, Hong Kong, 24 Setembru, no laiha pontu.
Cambodia antes hasoru Timor-Leste, hetan vitória 1-0 kontra Myanmar, ho golu Kakada Sin, hodi hetan pontu tolu iha Grupu B.
Ho empate 2-2, Cambodia aumenta pontu ba haat, enkuantu Timor-Leste remata fase grupu ho pontu ida.
FIFA ASEAN Cup 2026 Divizaun 2 kompostu hosi Grupu A no Grupu B. Timor-Leste tama iha Grupu B hamutuk ho Cambodia no Myanmar.
(leo)
