DILI, STLTIMORLESTE.com — Timor-Leste hahú FIFA ASEAN Cup 2026 ho derrota 0-2 hasoru Myanmar, Kinta-feira 24 Setembru.
Seleksaun Nasionál Timor-Leste derrota Myanmar 0-2 iha partida Grupu B Divizaun Segunda, iha Mong Kok Stadium, Hong Kong.
Myanmar loke kontaun iha minutu 19 liuhusi Win Naing Tun, ne’ebé marka golu ho ulun depois hetan korner husi Hein Htet Aung.
Timor-Leste aumenta presaun no kria oportunidade balun atu buka golu igualadór, maibé finalizasaun la konsege muda rezultadu to’o remata primeiru parte.
Iha segunda parte, Timor-Leste kontinua ataka no kria oportunidade, inklui tentativa Corsino Lemos ne’ebé remata no bola kona poste.
Myanmar aumenta vantagem iha minutu 75, bainhira kapitaun Than Paing marka golu daruak ho ulun, hodi muda rezultadu sai 2-0.
To’o remata partida, Timor-Leste kontinua buka golu, maibé Myanmar konsege tahan presaun no asegura vitoria iha partida abertura.
Partida ne’e hala’o iha Mong Kok Stadium, Hong Kong, ho pontapé inisiál tuku 21:00 oras Dili.
Rezultadu final:
Myanmar 2–0 Timor-Leste
⚽ Win Naing Tun — minutu 19
⚽ Than Paing — minutu 75
(leo)
