HONG KONG, STLTIMORLESTE.com — Timor-Leste (TL) sei hasoru Cambodia iha partida ikus Grupu B, FIFA ASEAN Cup Divizaun 2, Kuarta-feira, 30 Setembru 2026.
Partida ne’e sei hala’o iha Kai Tak Stadium, Hong Kong, ho pontapé-inisiu tuku 17:00 oras lokal, ka tuku 18:00 oras Timor-Leste.
Timor-Leste tama ba partida ne’e depois derrota 2-0 kontra Myanmar iha 24 Setembru 2026, ho golu sira marka husi Win Naing Tun no Than Paing.
Enkuantu Cambodia tama ho konfiansa depois manán Myanmar 1-0, liu husi golu Kakada Sin iha minutu 90+4.
Rezultadu ne’e tau Cambodia iha pozisaun diak atu luta ba lideransa Grupu B. Tuir FIFA, Cambodia presiza empate deit kontra Timor-Leste atu garante avansu ba final.
Timor-Leste sei buka rezultadu diak iha partida ikus Grupu B. Antes ne’e, Cambodia derrota Timor-Leste 3-0 iha ASEAN Championship, 3 Agostu 2026.
Treinador no jogadór Timor-Leste sei presiza hadi’a finalizasaun no aproveita oportunidade sira ne’ebé hetan durante partida.
(leo)
