DILI, STLTIMORLESTE.com – Tuir data neebe planu husi Ministeriu Edukasaun (ME) sei fo sai rezultadu ezame nasional iha loron 13 Dezembru.
Koordenador Gabinete Unidade Kurrikulu Nasional iha ME, João Mau Pelo hatete, koreksaun ba pontus ezame nasional nee remata ona, maibe agora sei iha faze ajusta hela valor estudantes sira nian husi ezame primeiru no segundu periodu ninia.
“Possibilidade bele mos muda, tanba too agora seidauk hotu, tanba ita sei cek fila-fali, tanba ita nian estudantes barak para labele sala, tanba agora ajusta labarik sira nian valor ba iha ezame primeiru no segundu periodu ninia, nee mak tau hamutuk ho valor ezame nasional ninia, nee mak sai valor final para bele determina labarik ida atu liu ou la liu. Neebe agora ita ajusta hela no ita sura por estudantes,” afirma João ba STL iha nia knaar fatin, Tersa nee (03/12/2024).
João dehan, maibe too agora sira seidauk iha ofisial muda data fo sai rezultadu ezame nasional ninia, maibe sei mantein nafatin ho dia 13 Dezembru, koreksaun pontus ezame nasional hotu ona, agora ajusta tau hamutuk ou soma hamutuk valor primeiru periodu no segundu periodu.
(jac)
