DILI, STLTIMORLESTE.com – Ministeriu Edukasaun (ME) sei koloka kandidatu profesores tinan 2024 hamutuk 187 ba nível ensinu baziku.
João Amaral nuudar Diretor Nasional Rekursu Umanu iha ME hatoo lia hirak nee ba jornalista sira iha nia knaar fatin Vila Verde, Dili, Tersa nee (17/06/2025).
“Kona-ba kandidatu profesores 187, sira submete ona sira nian dokumentus, kona-ba ninia kolokasaun nee ami sei haree dokumentus sira nee, depois mak ami fo sai avizu fali, sira nee ita sei koloka ba iha nível ensinu baziku, sira nee ho valor 64, sira submete ona dokumentus mai, agora ami haree dokumentus balun neebe presiza halo kompleta husu sira bele kompleta sira nian dokumentus,” dehan nia.
Joao dehan, total kandidatu profesores neebe mak koloka ona ba eskola sira nee hamutuk 1000 resin, iha bolsa laran 1090, maibe atu koloka tan 187, tanba nee kandidatus sira nee sei koloka ba nivel ensinu baziku.
(jac)
