DILI, STLTIMORLESTE.com – Madre husi kongregasaun SSpS nain 9 halao Premeira Profisaun, Profisaun Perpetua no nain 1 selebra 25 Anos Profisaun Relijioza.
Madre sira husi kongregasaun SSpS Timor Leste ohin selebra asaun de grasa vida konsagrada Irmãs SSpS Timor Leste neebe realiza iha igreja São Tiago Hera.
Madre SSpS neebe mak halo primeira profisaun mak hanesan Novica Delia Baptista do Rego, Novica Filomena dos Santos, Novica Maecelina da Costa, Novica Maria Fatima, madre neebe mak simu Profisaun Perpetua mak hanesan Ir Aurelia Amelia Rosa da costa, Ir Fatima Felicita de Jesus, Ir Inacia Tefa, Ir Zelia Soares de Jesus, Ir Zulmira Maria de Fatima da costa da Silva no Madre Monica Duarte SSpS selebra 25 Anos Profisaun Relijioza.
Moto ba selebrasaun asaun de grasa vida konsagrada ba madre nain 10 nia mak hau hadomi o ho domin rohan Laek. No selebrasaun misa prezide husi Arcebispu Arkedioseze Dili, Dom Virgilio Cardeal do Carmo da Silva, SDB iha Igreja São Tiago Hera.
iha oomilia Arcebispu Arkedioseze Dili, Dom Virgilio Cardeal Do Carmo da Silva, SDB iha Igreja São Tiago Hera kuarta nee (02/07) hatoo parabens ba Madre nain 10 neebe mak ohin selebra 9 Primeira Profisaun, Profisaun Perpetua no nain 1 selebra 25 Anos Profisaun.
Agradese ba Maromak ba grasa neebe mak hasulin ba kongregasaun SSpS, tanba ohin madre nain 9 Premeira Profisaun, Profisaun Perpetua no nain 1 selebra 25 Anos Profisaun, Uvas atu fo fuan barak presiza tau matan. No madre Monica Selebra 25 anos vida relijioza oinsa mak Maromak kuidadu no tau matan ba nia.
“Tinan 25 nia laran madre mantein nia relasaun diak ho Maromak, agradese ba Maromak nia domin neebe haraik ona iha tinan naruk nia laran iha nia fidelidade,” kata Dom Virgilio.
Dom Virgilio hatete, ohin halibur hamutuk selebra Madre nain 10 neebe mak ohin selebra Primeira Profisaun, Profisaun Perpetua no 25 Anos Profisaun, entaun eukaristia ida ohin sai hanesan asaun de grasa atu agradese ba grasa no domin fidelidade nia neebe haraik ona ba madre sira.
Iha biban nee, Madre Monica Duarte SSpS selebra 25 Anos Profisaun Relijioza liu husi orasaun hatoo agradese ba Maromak ba grasa neebe haraik ona ba nia selebra 25 Anos Profisaun Relijioza.
“Agradese ba Maromak ba grasa vokasaun neebe Nai fo mai hau, no akompanha ona hau durante tinan 25 nia laran, neebe halao misaun iha kongregasaun SSpS, iha tinan 25 nia laran ita boot infeita ona buat oin-oin ho furak oin-oin,” dehan Madre Monica.
Madre dehan, iha tinan 25 Nai haraik buat oin-oin husi tanis no hamnasa husi buat sira nee Nai hafutar moris sai furak no kores oin-oin nunee ohin bele atinji tinan 25 iha vida konsagrada.
Nunee mos Visi Provicial SSpS Timor Leste, Madre Domingas de Deus Salsinha, SSpS hatoo agradese ba parte hotu neebe mak marka prezensa iha selebrasaun misa importante ba madre sira neebe simu Primeira Profisaun, Profisaun Perpetua no nain 1 selebra 25 Anos Profisaun Relijioza.
“Agradese ba Sua Eminensia Dom Virgilio Cardeal do Carmo da Silva, SDB neebe ho laran tomak simu ami nia konvite hodi mai selebra misa eukaristia santa asaun de grasa vida konsagrada, maske amu iha servisu barak no kolen maibe sei fo tempu ba ami, tanba nee ami hatoo agradese no obrigada wain,” katak Visi Provicial SSpS TL.
Iha biban nee madre mos hatoo agradese ba familia no doador sira neebe mak sempre apoiu madre sira kongregasaun SSpS iha Timor Leste, nomos F-FDTL, PNTL neebe halo seguransa iha eventu importante nomos partisipante hotu neebe mak ho laran kmaan partisipa iha selebrasaun eukaristia asaun de grasa nee.
(eme)
