DILI, STLTIMORLESTE.com – Prezidente Republika (PR), Jose Ramos Horta husu jorgador nomos sidadaun Timoroan hotu mantein pas durante jogu desportu Comunidade dos Países de Língua Portuguesa (CPLP) ba dala XII iha rai laran.
Prezidente Republika Jose Ramos Horta hatoo kestaun nee ba jornalista sira, bainhira remata akompanha jogu Voli Praia iha Lecidere, Tersa (22/07/2025).
“Importante liu mak displina, respeita simu ema ho diak ho atleta sira diak tanba jogu nee laos kompetetativu maibe nee hanesan amizade, ita aprende buat barak husi sira mai husi rai sira CPLP,“ katak Prezidente Republika.
Xefe Estadu hatete, sente kontente tanba durante loron hira hahu husi abertura too mai ohin loron joga no situasaun hotu lao diak.
“Buat hotu lao diak, kalan abertura nee hau rona kapaas tebes, embaixador lubuk ida hatete sira ba iha neeba haree, nee duni ba ita importante mak nee, disiplina simu atleta ho nia ekipa sira husi liur simu ho laran no fuan ho hospitalidade diak,” katak PR Horta.
Prezidente Republika hatete, presiza hadia mos estadiu ho diak nunee bele akomula ema hotu bele asesu joga.
“Nee tinan hira nia laran tiha ona podia halo tiha ona estadiu diak nivel internasional labele buka fatin fatin maibe halo desizaun halo iha tibar ka metinaro deside halo, estudu viablidade dala ruma Timor espesialista boot no estudu viablidade depois rai tiha,” katak PR Horta.
Prezidente Republika hatete, tinan 23 ona no estadu atual nee hadia mos tenke buka rai hodi hadia estadiu ho nivel internasional, haree rai bele halo iha Tibar, Metinaro ka Hera.
Iha fatin hanesan, Jogador Voli Praia Noe D. Viegas Siquera hatete, nuudar jogador sei mantein ho disiplina no tuir regra neebe iha.
Nia mos iha esperansa katak ho jogu aban sira sei hatudu nafatin performe neebe diak nomos nafatin hetan suporta husi adeptus sira, no fiar katak sira sei hatudu jogu neebe bonito bele tama iha finais. Nia mos fira katak sei tama ihas jogu Voli Praia tama iha finais.
(eme)
