DILI, STLTIMORLESTE.com – Foin lalais Prezidente Republika (PR), Jose Ramos Horta husu Organizasaun Mundial Saude hamutuk ho Ministeriu Saude luta makaas oinsa hapara moras TBC iha rai laran, hatan ba kestaun nee Reprezentante WHO ha Timor Leste, Arvin hatete elimina susar maibe bele hapara.
Reprezentante WHO iha Timor Leste, Arvin Marthur ba jornalista sira iha Palasiu Prezidensial Nikolao Lobato, Bairo Pite, Tersa (29/07/2025) hatete, hasoru malu ho Prezidente Republika Jose Ramos Horta, Reprezentante WHO iha Timor Leste, Arvin Marthur orta hodi diskute hamutuk konaba moras TBC.
Reprezentante WHO hatete, atu hapara moras TBC nee susar maibe luta makaas atu bele hapara ou redus moras nee iha Timor Leste.
“Iha enkontru nee mos koalia kona-ba oinsa hapara moras TBC iha Timor Leste nomos koalia mos oisna kontrola moras dengue nia no uza oportunidade ida nee atu koalia konaba saude eskolar nia neebe suporta husi koika,” katak nia.
Aleinde nee koalia mos lumriga kona-ba labarik eskola sira neebe servisu hamutuk ho Ministeriu Saude no Ministeriu Edukasaun.
Nia hatete, atu elemina moras TBC nee susar oituan, maibe bele hapara TBC nee mak diferensia.
“Asaun barak neebe agora halo ona astreiu ba komunidade sira halo ba tratamentu, OMS no Ministeriu Saude mos servisu hamutuk suporta husi Fundu global husi ekipamentu dizital estrei no seluk tan,” katak nia.
Ministeriu Saude ho OMS mos suporta pesoal saude iha aldeia atu nunee bele hetan restreu neebe barak liu tan, no oras nee halo asaun multi full.
Foin lalais Prezidente Republika Jose Ramos Horta liu husi diskursu iha Ponte Habibie Sesta (25/07/2025) hatete, momentu ida nee organizasaun mundial saude anunsia tiha ona malaria hamate ona, iha Timor Leste, premeiru hakarak agradese ba sira hotu hotu setor saude Timor Leste nia hahu ho emfermeiru sira no sira neebe mak simples liu omilde liu ema haluha iha aldeia no suku, desde tempu portugues tempu indonezio too indepedensia, sira neebe babain lahanoin sira depois mai doutor sira hotu hotu iha Timor depois Governante sira hahu kedas indepedensia too ohin halo esforsu tau orsamentu halo politika lejislasaun programa ba setor saude liu liu ba moras hanesan malaria.
Prezidente Republika Jose Ramos Horta hatoo agradese ba Governu no parte hotu neebe esforsu hodi luta kontra moras malaria, maibe oras nee moras TBC sei iha, husu kontinua luta makaas hamate karik TBC ran nia nee selebrasaun boot los.
Iha biban nee Prezidente Republika mos apresia ba parseru internasional sira doador sira hanesan Australia, neebe parseru importante iha setor saude uluk USA, Xina, Korea, Japaun, sira apoiu oin-oin.
(eme)
