DILI, STLTIMORLESTE.com – Sosiedade Sivil liu husi Diretor FONGTIL, Velentim Pinto husu ba lider rezistensia atu kaderniza jerasaun foun sira, nunee sira bele sai soldadu neebe forte iha futuru.
Nia dehan, Forsa Armadas neebe sura husi tempu neeba mai tinan ida nee mai tinan 50 ona, permite ba entidade hotu-hotu ba lider ba auto sira iha Timor hodi bele halo refleksaun ida neebe ke bele ajuda oinsa forsa armadas iha Timor nee bele modernu liu tan, forte liu tan hanesan lutu ba nasaun, nomos haree katak refleksaun neebe halo nusa mak forsa armadas Timor nee bele modernu nafatin iha senseblizasaun promove direitu umanu no respeita lei no ordem atu bele sai hanesan parseru serbisu ba sosiedade ida neebe forte no maduru iha Timor.
“Ita presiza halo periodu trazisaun neebe forte para lider rezistensia neebe sai mai iha forsa ativu sira nee, atu nafatin iha oportunidade sai hanesan mentor ka sai hanesan lidera ba prosesu lideransa foun sira iha, presiza tranzisaun no reforma ho pazeadamente labele absoluta hotu hotu tenke halo mais sira nafatin iha oportunidade, atu bele ajuda forma lideransa foun sira mai ho forte ho esperitu nasionalismu neebe forte ho jestu komando neebe diak, para lidera jerasaun sira soldadu sira neebe sei mai iha futuru,” dehan Velentim ba jornalista sira iha salaun HAK, Dili, Tersa (12/08/2025).
Diretor nee mos rekomenda atu halo tranzisaun ka reforma ba membru FALINTIL- Forsa Defeza Timor Leste ho fazeadamente labele dala ida. “Ami hanesan rekomenda atu transzisaun reform aba lider komandante sira nee, tenke ho fazeadamente labele akontese dala ida,” dehan nia.
Nunee mos Diretor HAK, Feliciano da Costa Araujo hatutan, selebrasaun ida nee labele selebra hanesan tinan-tinan, maibe bele sai ona hanesan mandatu neebe hakerek iha Chega nee katak, atu bele reforma mos institusional, signifika kaderniza jerasaun foinsae sira,” Ita hatene katak ita nia aman veteranus sira lubuk ida mak sei tur hela iha forsa defeza rasik, ita presiza ona kaderniza ba jerasaun foinsae sira para atu asumi kargu neebe mak lideransa iha FALINTIL Forsa Defeza nia,” dehan Feliciano.
(eme)
