DILI, STLTIMORLESTE.com – Prezidente Tribunal Rekursu, Afonso Carmona deklara katak, orsamentu neebe aprezenta husi Tribunal nian, hetan aprovasaun ho US$ 7 milhoes.
“Orsamentu Tribunal nian adisional US$ 3 milhoes no tetu inisial US$ 4 milhoes, adisional sae tanba tinan oin planu atu kontinua julgamentu movel hodi redus prosesu sira neebe iha, sei funsiona Tribunal movel iha Dili, Suai, Oekusi no Baukau,” dehan Carmona iha MinisteriuFinansas, Sesta (22/08/2025).
Nia hatutan, orsamentu Tribunal nian hetan aprovasaun ho US$ 7 milhoes ba kategoria kapital menor no kapital dezenvolvimentu liga ho instala Supremu Tribunal Justisa no mos instala Tribunal iha Munisipiu haat hanesan Baukau, Vikeke, Ermera no mos Baukau.
Nia esplika, orsamentu neebe iha sei utiliza atu hadia Tribunal tuan hodi instala Supremu Tribunal Justisa, no oras nee daudaun indentifika hela Juiz sira neebe sei prienxe iha Tribunal Rekursu, no mos Tribunal Supremu Justisa, no orsamentu neebe iha sei hare mos ba Juiz sira banhira sira muda ba tur iha Tribunal Rekursu no TSJ iha mos mudansa ba sira nia salariu.
Nia dehan, Juiz sira neebe sei tuir iha TR no STJ, laos hili malu maibe liu husi selesaun rigorozu.
Iha fatin hanesan, Prokurador Jeral Republika, Nelson de Carvalho dehan, husi Prokurador nian orsamentu neebe aprezenta hamutuk US$ 7 milhoes.
“Husi orsamentu inisial to adisional hamutuk US$ 7 milhoes ital, ida nee mak ita nia proposta, adisional hamutuk US$ 3 milhoes, hamutuk ho pakote neebe iha mak US$ 7 milhoes ital,” dehan Nelson.
(ter)
