DILI, STLTIMORLESTE.com – Papel Institutu Formasaun Dosente no Profisionál Edukasaun (INFORDEPE) nian mak mantein fo kapasitasaun ba profesores sira hotu, hahu husi nivel ensinu pre eskolar, ensinu baziku, sekundariu no tekniku vokasional.
Lia hirak nee hatoo husi Prezidente INFORDEPE, Domingos Martins ba jornalista iha salaun Ian Martin Balide, Kinta (28/08/2025).
“Papel INFORDEPE mak nee, ita nantein nafatin fo kapasitasaun formasaun ba profssores sira, ba iha nivel hotu-hotu, hahu husi nivel pre eskolar, ensinu baziku, ensinu sekundariu no tekvo. Daudaun nee ami planea hela formasaun por nesesidade signifika, ita mos iha limitasaun, la bolu sira atu tuir formasaun maibe nesesidade balun presiza nesesita tebes, nee ita nafatin fo kapasitasaun ba ita nian Professor sira, nee ba nibel hotu,” nia haktuir.
Domingos dehan, fo kapasitasaun nafatin ba professor sira husi nibel sekundariu no tekvo, maibe iha limitasaun de orsamentu no rekursu umanu, maibe papel Infordepe maka nee fo nafatin formasaun ba professor sira.
Tuir nia, dadus neebe iha seidauk serteza, maibe dadus nee hanesan mai husi tinan kotuk. Ezemplu ida konaba bolsa kandidatu, neebe mak iha tinan kotuk kapasita ona sira ho total 400 husi Munisipiu 6. Tinan nee mos prepara hela atu kapasita nafatin bolsa kandidatu sira ou Professor neebe dadaun nee hanorin hela iha Munisipiu.
Nia akresenta, Setembru nian laran realiza formasaun ida nee, ema neebe sai benifisiariu total professores 600 resin nunee, husi neebe mak kolokadu iha grupu ida 187, neebe maka agora dadaun prepara hela kolokadu. Aleinde ida nee fo mos formasaun kontiudu kurikular.
Nunee mos Diretor Nasional Rekursu Umanu iha Ministeriu Edukasaun, João Amaral hatete, konaba formasaun ba bolsa kandidatu professores 187 nee, sira sei kordena ho parte Infordepe ninia, tanba sira mak sei halao formasaun ba professor sira nee.
Jornalista: Jacinta Sequeira
Editor: Domingas Gomes
