DILI, STLTIMORLESTE.com – Tinan oin Eskola Sekundariu Jeral (ESJ) FINANTIL sei halo konstrusaun foun.
Diretor ESJ FINANTIL, Aniceto Berlelo dehan, aleinde nee eskola nee mos sei hasoru dezafiu kona-ba fasilidade hanesan meza no kadeira, tanba seidauk sufisiente ba estudantes sira.
“Ami nian eskola ida nee presiza atu hadia fali, ami halo ona proposta ba Ministeriu Edukasaun (ME) no sira mai halo ona dezenhu. Neebe iha tempu badak ou tinan oin bele halo konstrusaun foun ba ami nian eskola nee, tanba ami nian Diretor mos mai koalia ona ho ami,” afirma nia ba jornalista STL iha nia knaar fatin Aimutin, Sesta (29/08/2025).
Nia dehan, eskola mos sei hasoru dezafiu neebe iha, liu-liu kona-ba fasilidade eskola ninia hanesan meza no kadeira.
Anicet hatete, tanba too agora sira sei menus hela meza no kadeira, nomos sala ba laboratoriu seidauk iha. Tinan oin mak atu halo kompleta fasilidade eskola nian, nee tenke iha laboratoriu ba komputador, nee importante tebes. Bainhira fasilidade sira nee kompletu, sira sei hatoo fali ba iha Ministeriu Edukasaun.
Jornalista: Jacinta Sequeira
Editora: Domingas Gomes
