DILI, STLTIMORLESTE.com – Primeiru Ministru (PM), Kay Rala Xanana Gusmão halao enkontru semanal ho Prezidente Republika (PR), Jose Ramos Horta, hodi diskute situasaun neebe akontese iha rai laran no rai liur.
Bainhira remata hasoru malu Primeiru Ministru ba Jornalista sira, iha palasiu Prezidensial, Nicolau Lobato, Bairru Pite, Dili, Sesta (29/08/2025) hatete, Prezidente Republika foin too husi Japaun Osaka no Prezidente kontente tanba eventu lao ho diak.
“Prezidente Republika foin too husi Osaka, nia halo palestra tolu iha neeba, nia ba tuir expo, nia dehan nia ba vizita nia kontente, tanba embora kiik liu ema seluk, mais ita mos hatudu ita nia kbiit halo buat ruma. Nee mak hau lembra hela ba Prezidente Republika, atu ba too CCD, hodi haree saida mak ita nia ho sira nia hanoin ho sira nia talentu komesa daudauk ona produz,” dehan PM, Xanana.
Xefe Governu dehan, tinan mai nee, sei iha banku dezenvolvimentu nasional hodi fo apoiu daudauk ona sira, nunee sira loke tan.
“Tanba ita iha buat balu neebe sira halo daudauk nee, ita bele redus ona importasaun, lae ita sosa buat hotu-hotu,” hatete Xefe Governu.
Iha biban nee Prezidente Republika mos koalia kona-ba nia ba Japaun, ba haree estaleiru boot ida agora atu hahu iha Laleia.Nia iha Japaun hasoru malu ho joven Timoroan sira neebe sai enjeneru atu halo roo, nia kontente tanba sei fo sira servisu barak ba Timoroan sira.
Nunee mos Prezidente Republika, Jose Ramos Horta hatete, vizita ba Japaun kobre assuntu sira seluk ida akademiku konferensia no asuntu seluk tan.
“Asuntu importante ida mak ba vizita fabrika estaleiru naval, maibe iha prefetura hirosima neebe kompanhia boot ida iha Japaun fundu boot 4 ka 5 boot iha mundu sira rekruta ona timoroan balu serbisu dadaun ona iha neeba, balu iha Dili, sira rekruta husi graduadu husi UNTL partisipa halo dezain ba makina sir aba Roo Ahi ba buat oin oin nia servisu konkretamente direitamente maibe treinamentu fulan balun tan sei fila mai TL,” katak PR, Horta.
Xefe Estadu dehan, iha nee mos rekruta ona elementu balun sei rekruta liu tan bele rekruta too atus rua tan, depois sei rekruta aumenta too fabrika nee prontu funsiona sei rekruta rihun 4.
Estaleiru nee sei boot liu fali ida iha Hirosima nee, ida neebe sei halo iha Laelia nee sei boot liu tan sei sai estaleiru prinsipal iha rejiaun.
“Sira kontente Governu agora tuku 4 hasoru Primeiru Ministru para halo update brifing, maibe hau hatene Governu mos book aan aselera para dokumentasaun buat parte legal nia buat sira nee hotu prontu izensaun imposto buat sira nee hotu para, roo ahi dala uluk Atcahi ba tasi husi estaleiru ita nia iha laleia sei sai iha 2028 prontu, nee hau hanoin tempu rekor signifika serbisu makaas 24 oras depois ida nee liu tiha mak ba enkontru ho
Jornalista: Emerenciana Pinto
Editora: Carme Ximenes
