DILI, STLTIMORLESTE.com – Liga ho konfrontu iha fronteira, Prezidente Republika (PR), Jose Ramos Horta kontaktu ona ministeriu relevante entre Timor Leste ho Indonezia, oinsa buka rezolve problema refere.
Prezidente Republika hatete, nia halo kontaktu ona ho elementu importante husi Timor Leste nomos Indonezia oinsa tau hanoin hamutuk hodi bele buka rejolve lalais problema neebe akontese iha Fronteira, nunee povu rai rua bele moris iha pas no hakmatek nia laran.
“Problema sira nee importante atu koalia, problema sira antes hau mai hodikalan kalan boot ona hau halo kontaktu ho Embaixador Indonezia, kontaktu ho elementu balun ita nia embaixada iha Jakarta ho Ministeriu Negosiu Estranjeiru Bendito Freitas para hetan informasaun lolos, primeiru problema sira nee babain akontese. Tempu uluk kedas populasaun sempre iha, maibe ita nia forsa ho forsa Indonezia interven para problema nee hakmatek,” dehan nia ba jornalista bainhira remata vizita Estadu ba Japaun fila hikas mai Timor Leste iha Aeroporto Internasional Nikolao Lobato, Komoro, Sesta (29/08/2025).
Prezidente Republika hatete, nia kontaktu ona ho Ministeriu relevante entre TL ho Indonezia oinsa tau hanoin hamutuk hodi bele rejolve problema neebe akontese iha fronteira, nunee povu rai rua neebe hela iha fronteira bele moris hakmatek no iha dame nia laran.
Prezidente Republika hatete, maske problema iha fronteira laos problema entre Falintil Timor Leste ho TNI Indonezia, maibe entre populasaun rai rua neebe hela iha fronteira, maske mosu problema maibe relasaun Timor Leste ho Indonezia metin iha amizade.
Jornalista: Emerenciana Pinto
Editora: Domingas Gomes
