DILI, STLTIMORLESTE.com – Konselhu Koordenador Nasional (KKN) liu husi reuniuan Estraordinariu deside Sekretaria Jeral Adjunta Guelhermina Saldanha Ribeiro asumi kargu nuudar Sekretaria Jeral Interina OPMT hodi troka Sekretaria Jeral OMPT, Florentina Martins, neebe Nai bolu hikas ona iha Nai nia Kadunan Santo.
Iha Loron Domingu (14/09/2025) Konsellu Koordenador Nasional liu husi reuniuan Estraordinaria husi eleisaun deside Guilermina Martins asumi kargu nuudar Sekretaria Jeral Interina OPMT hodi troka Sekretaria Jeral OMPT Floretina Martins.
Organização Popular da Mulher Timor harii husi FRETILIN, iha 28 Agostu 1975, lakon derepente ninia líder masimu, Sekretaria-Jeral OPMT ikus liu, Florentina da Conceição Martins Smith, iha 22 Agostu 2025.
Hafoin selebra horiseik tinan 50 ezistensia OPMT iha sede FRETILIN, organizasaun masas ida nee deside ohin prienxe provizoriamente kargu neebe saudoza husik hela nuudar líder OPMT.
Atu hatan ba situasaun mamuk iha lideransa OPMT, Konsellu Koordenador Nasional OPMT, orgaun nasional ida neebe foti desizaun entre Konferensia Nasional sira, eleje pur-aklamasaun Sekretaria-Jeral Adjunta Guilhermina Saldanha Ribeiro nuudar Sekretaria-Jeral Interina OPMT.
Liuhusi Rezolusaun KKN/OPMT nº 1/XIV/IX/ 2025, aprovada pur-aklamasaun, reuniaun estraordinaria KKN deside estende Sekretaria-Jeral Interina ninia mandatu too Konferensia Nasional OPMT tuir mai.
Reuniaun Estraordinaria Konselhu Koordenador OPMT aprova mos rezolusaun seluk kona-ba reorganizasaun interna OPMT iha nível nasional.
Jornalista: Emerenciana Pinto
Editor: Xisto Mendonça
