DILI, STLTIMORLESTE.com – Ministeriu Publiku (MP) iha alegasaun final ba krimi Furtu Agravadu, Arma Branka no Roubo, solisita ba iha Tribunal Koletivu atu kondena arguidu ET, MMO no AM ho pena prizaun tinan 10.
Iha alegasaun nee, Prokurador Domingos Barreto deklara katak, arguidu nain tolu konfesa ba faktus neebe konsta iha akuzasaun.
Prokurador ba prosesu deklara, arguidu nain tolu prense hotu ba krime tolu neebe iha, no aktu neebe arguidu sira halo tama iha Loja rua.
Nunee Prokurador mantein ho akuzasaun neebe iha konsidera katak, faktus neebe konsta iha akuzasaun provadu bazeia ba deklarasaun husi arguidu, no reforsa tan husi sasin sira neebe arola.
Tanba nee Ministeriu Publiku solisita ba iha Tribunal Kolektivu atu kondena arguidu nain tolu, no kada arguidu ida hetan prizaun tinan 10.
Enkuantu husi parte defeza, Advogadu Privadu Manuel Tilman, solisita ba iha Tribunal atu tetu sirkunstansia hotu, hodi bele aplika justisa neebe justu ba iha arguidu nain tolu.
Rona tiha alegasaun, Tribunal adia ba loron seluk hodi rona leitura akordaun.
Jornalista: Terezinha De Deus
Editora: Carme Ximenes
