OEKUSI, STLTIMORLESTE.com – Ministeriu Saude (MS) servisu hamutuk ho Instituisaun Nasional Kombate HIV-SIDA (INCIDA), hodi halo teste raan ba Komunidade Bobocasse sira, hodi hatene sira nia status virus HIV.
Prezidente INCSIDA, Daniel Marcal fo parabens ba komunidade Bobocasse hamutuk 125, neebe ohin halo ona teste ran, hodi hatene sira nia status virus HIV.
“Ohin ita hatene rezultadu katak hotu-hotu negativu HIV. Nee ita kontenti tanba rejultadu diak,” hatete Daniel Marcal ba jornalista sira Suku Bobocasse, Rejiaun Administrative Especial Oekusi-Ambeno, Sub-Rejiaun Pante Macassar, Tersa (23/09/2025).
Nia esplika, Servisu Saude RAEOA mai hamutuk ho INCSIDA halao teste ran ba Komunidade Suku Bobocasse, horiseik iha Suku Naimoce iha nain 66 neebe teste ran ba virus HIV.
Nia informa, uluk sidadaun sira lakohi teste ran, maibe ho sosializasaun nee sira hakarak teste raan hodi hatene sira nia status HIV.
Iha fatin hanesan Komunidade Suku Bobocasse, Marcos Fernandes Kolo dehan, foin primeira ves INCSIDA nia aktividade hasai ran no hatene status HIV. Sei aktividade sosializasaun nee mak laiha labele hatene nia status HIV.
“Hau foin permeira veis halo teste ran ba virus HIV,hau kontenti tebes tanba ohin nia rejultadu negativu, virus HIV iha hau nia isin laiha,” nia informa.
Nia deklara, sensibilizasaun nee husi INSCIDA nee importante tebes,t anba Komunidade Suku Bobocasse rona no hatene ona, HIV nee maka saida no HIV hadaet husi saida, no prevensaun oinsa foin hatene no komprende lo-loos.
Nia parte agredese tebes ba INCSIDA, tanba bele mai iha sira nia fatin hodi fahe informasaun ba komunidade atu hatene virus HIV no hadaet husi saida. Informasaun nee sira sei hatutan ba oan sira nomos ba familia atu halo prevensaun ba moras nee rasik.
Jornalista: Jeniche da Costa
Editora: Domingas Gomes
