DILI, STLTIMORLESTE.com – Sekretaria Estadu ba Igualdade (SEI), Elvina Sousa Carvalho hatete, programa fundu transferensia publika intensia publika nia intensaun empodera feto iha area ekonomia no politika.
Sekretaria Estadu ba Igualdade, Elvina Sousa Carvalho liu husi nia diskursu iha salaun Maria Goreti Kaikoli, Tersa nee (28/10/2025) hatoo apresiasaun ba asosiasaun feto munisipal sira ba esforsu hamutuk ho fokal point munisipiu sira, redusaun ba funsionariu sira tanba razaun finansiamentu.
Sekretaria Estadu dehan, durante servisu mesak tanba fokal point munsipiu servisu deit ho sira sein apoiu husi fokal point iha postu sira, mudansa ida nee nia hatene iha impaktu ba servisu, fo servisu extra tanba nee mak SEI hatoo apresiasaun klean ba imi nia servisu kolaborasaun neebe diak hodi bele iha selesaun ba grupu 64 hodi bele sai benefisiariu ba fundu transferensia publika, tanba nee mak fo apresiasaun ba sevisu no kolaborasaun neebe diak hodi bele hetan benefisiaria sira.
Sekretariu Estadu fiar nee transparansia ida prosesu ida asegura tuir lei husi parte SEI nasional mos asegura prosesu hotu tuir mata dalan neebe hotu hotu konkorda tiha ona.
“Hanesan ita boot sira hatene fundus transferensia publiku nee nia intensaun atu bele empodera feto maluk sira iha ekonomia no politika, iha politika nia mak iha diresaun seluk halo empoderamentu feto nia hasae no hakbiit feto nia partisipasaun iha politika, hau hanoin ita boot sira mos hola parte hotu iha programa sira nee, kolabora implementasaun programa sira neebe mak agora daudaun akontese iha munisipiu sira,” dehan Sekretaria Estadu ba Igualdade.
Nia dehan, ida empoderamentu feto no politika mak ohin asina ona akordu hodi bele impelementa programa empoderamentu feto iha ekonomia, ida kompromisu husi IX Governu Konstitusional atu hakbiit no empodera feto iha ekonomia nomos iha politika atu bele partisipa ativu liu tan iha dezenvolvimentu nasional, hakbiit no empodera feto atu bele hamriik iha abilidade iha kbiit ekonomia atu bele kontribui ba ekonomia halo mudansa iha uma laran nomos bele kontribui ba sosiedade neebe inklusivu nomos hakbiit sira nia aan atu bele kontribui iha ekonomia uma laran nia.
“Hau hanoin ida nee sei la akontese bainhira laiha sevisu hamutuk entre ita boot sira ka partisipasaun ativu husi ita boot sira nomos kontrolu masimu husi ita boot sira asosiasaun munisipiu ho ho fokal point sira husi Munisipiu. Ho ida nee hau hatete deit SEI sei nafatin akompanha kontrola importante mak akompanha prosesu tomak,” dehan nia.
Tanba husi rezultadu avaliasaun no asesmen neebe iha presiza kontrolu no akompanha makaas, no akompanhamentu ba grupu sira tenke lao ho diak no akompanha iha prosesu tomak laos iha simu osan deit maibe iha prosesu halao atividade sira.
“Tanba foin dadaun ami ba iha parlamentu distinta deputada sira lao too iha postu sira, lao too iha fatin sira nee hodi hasoru ita nia benefiasiaria sira, hasoru ema neebe mak falha, sira buka hatene tanba saida failha sira husu ho orsamentu jeral estadu tenke maksimiza iha nia utilizasaun,” katak Elvina.
Nia hatete, nia mos hatene benefisiaria balun ulun toos oituan iha intensaun mal bainhira asesu ba fundu, forma grupu hodi hetan osan depois fahe malu, no fokal point iha esperensia ida nee benefisiaria balun lakon numeru kontaktu depois hasoru mos laliga tiha.
SEI husu fokal point, favor ida akompanha ho klean tuir no akompanha tanba orsamentu fundu transferensia publika nee mai husi orsamentu Jeral Estadu no iha lei neebe kesi ema hotu ba ida nee.
Nunee mos Xefe Departamentu Empoderamentu Ekonomia Feto SEI, Henrique da Silva hatete programa empoderamentu feto hanesan siklu ida atu halo apoiu ba inan feton sira liu husi fundu transferensia publika.
“Tinan tinan ida selebra akordo ida nee atu halo transferensia orsamentu ba iha asosiasaun sira tanba tuir ita nia mata dalan neebe mak ita aprova ona iha tinan kotuk implementasaun katak ita nia orsamentu neebe mak apoiu ba grupu sira pasa iha 2025 nee husi transferensia orsamentu atraves husi konta bankaria ba asosiasaun feto nia tanba mata dalan nee hatuur ona katak atu jere orsamentu,” dehan Xefe Departamentu.
Ohin mos Sekretaria Estadu ba Igualdade SEI asina akordu ho Prezidente asosiasaun feto munisipal 13 iha salau Maria Gorenti Kaikoli.
Jornalista: Emerenciana Pinto
Editor: Xisto Mendonça
