DILI, STLTIMORLESTE.com – Prezidente Republika (PR), Jose Ramos Horta hatete, Primeru Ministru (PM) Kay Rala Xanana Gusmão nia esforsu mak lori Timor Leste (TL) sai membru ASEAN.
Prezidente Republika Jose Ramos Horta ba jornalista iha Aeroportu Internasional Nicolau Lobato, Komoro, Kuarta (29/10/2025).
Nia hatete, lo-loos hein too Primeiru Ministru Kay Rala Xanana Gusmao too, maibe Prezidente too uluk, maibe lokraik mak halo boas bemvinda ba PM Xanana, tanba nia mak TL ohin sai membru ASEAN.
“Tanba nia mak ita sai membru ASEAN, tanba nia mak husi tempu luta too mai independensia halo fronteira maritima, projetu bobot konstrusaun estadu, infraestrutura hahu kedas Governu AMP ho prosesu diversifikasaun fundu petrolifeiru mak fo osan ba ita, return boot nia mak halo projetu eletrifikasaun, Portu Tibar tanba buat sira nee mak fo kondisaun ba ita tama ASEAN,” dehan PR Horta.
Nia katak, buat hotu hotu fo rekonese ba Primeiru Ministru Kay Rala Xanana Gusmao, maibe hahu dia 27 kedas serbisu todan liu tan, nee todan iha primeiru Ministru nia kabaas, Ministru sira nia kabaas para kumpre programa dezenvolvimentu buat hotu hotu hametin dame para konfiansa neebe lider ASEAN fo ba TL la falha.
Horta afirma, TL nia direitu mak tuur iha neeba reuniaun koalia konaba dezenvolvimentu ho asuntu hotu hotu neebe iha ASEAN nia laran, maibe mos assuntu internasional ASEAN tau iha ajenda no meza hodi koalia no Timor Leste mos partisipa hodi kontribui ba debate no diskusaun sira nee, no kontibui ba desizaun ho konsensus ida nee todan boot.
Nunee mos lia Nain Piu Ataide hatutan, sentimentu Timor Leste nia adezaun ba ASEAN labele sura ho numeru, tanba buat hotu liu tiha buat neebe povu TL hakarak.
Jornalista: Emerenciana Pinto
Editora: Domingas Gomes
2 Responses
Ita bele kolia barak, halo buat hotu, ita mak funda no seluk kontinua deit maibe ita tenke simu duni realidade ida katak eis manorin nain ensinu baziku ida ho modalidade jornalismu kazual nia luta ho esperansa maske hetan ofensas oin-oin lasente no lasura nia kolen, hatudu rezultadu mak ohin loron ita hetan independensia, manan iha negosiasaun fronteira no agora tama ba membru permanente ASEAN, parabens ba Heroi boot Timor nian KXG.
Ita bele kolia barak, halo buat hotu, ita mak funda no seluk kontinua deit maibe ita tenke simu duni realidade ida katak eis manorin nain ensinu baziku ida ho modalidade jornalismu kazual nia luta ho esperansa maske hetan ofensas oin-oin lasente no lasura nia kolen, hatudu rezultadu mak ohin loron ita hetan independensia, manan iha negosiasaun fronteira Maritima no agora tama ba membru permanente ASEAN, parabens ba Heroi boot Timor nian KXG.