DILI, STLTIMORLESTE.com – Ema Katolika neebe forte tenke harii uma espiritual obedese nafatin ba Maromak nia ukun fuan, tanba Jesus mak hun ba buat hotu.
Kestaun nee hatoo husi, Padre Richardo Pasang, SVD, liu husi nia reflesaun ba loron Kinta (04/11/2025) hatete, ema Katolika neebe forte mak ema neebe la tuir ukun fuan Maromak, nia harii uma esperitual no obdese ba Maromak.
“Sai ema Katoliku neebe forte no reziliente, tahan anin-boot saida deit iha era ida-nee, mak ema Katoliku neebe harii uma espiritual ho fiar metin no obediensia ba Maromak nia ukun fuan sira. Jesus mak Fatuk, iha Nia ita sei metin, no sei la nakdoko Ita sei sai ema matenek,” dehan Padre Richardo Pasang.
Padre nee hatutan, sarani Katolika neebe tau fiar ba Jesus ristu no moris tuir Maromak nia ukun fuan, familia nee sei moris matenek no familia nee sei lanakdoko udan anin no Saida neebe atu sobu, Tanba nee nafatin tau Fiar iha Kristu hodi harii metin Esperitual.
“Nunka harii fundasaun ba ita-boot nia uma espiritual iha rai-henek. Tanba ita-boot sei la moris se anin-boot ida mosu iha ita-boot nia dalan iha moris ida-nee,” dehan Padre nee.
Nia afirna, maski iha atividade oin oin neebe halo maibe husu keta haluha Maromak, Dader antes halo serbisu husu Jesus akompanha no kalan atu deskansa nafatin agradese no husu nafatin Jesus akompanha nafatin iha moris tomak nunee hadook husi tentansaun dezastre no buat aat tomak.
“Sarani Katóliku hotu-hotu bele okupadu ho serbisu no ita-nia moris, maibe hanoin atu fo tempu ba Maromak, maski ladun barak. Tan nee obrigatoriu mai ita atu rona, lee no implementa Maromak nia Liafuan iha ita nia moris real,” dehan nis.
Bibi Atan Kreda Katolika nee haktuir tan katak, bainhira ema haluha Maromak iha nia moris tomak mak Jesus mos lakohnese.”Nunka haluha Maromak iha ita nia moris, Se ita haluha, bainhira ita hasoru nia, karik Nia la hatene ita, ita-boot se no mai husii neebe,” dehan Padre Richardo.
Jornalista: Emerenciana Pinto
Editora: Carme Ximenes
