DILI, STLTIMORLESTE.com – Prezidensia Republika (PR) liu husi Unidade Servisu Sosiedade Sivíl no assuntu sosial entrega parsel natal ba prizioneiru Gleno, Ermera.
Festeza natal 2025, Prezidensia Republika halao asaun karitativa ba prizioneiru sira iha estabelesementu Prizional Gleno, Fatuquero, Munisípiu Ermera.
Asaun ida nee hanesan programa annual husi Prezidensia Republika liu husi Unidade Servisu Sosiedade Sivíl no assuntu sosial no kooperasaun ho IX Governo apoiu liu husi Visi PM I no Ministerio Comercio e Industria (MCI), hodi entrega direta parsel natal hamutuk 110, ba prizioneiru sira inklui funsionariu sira neebe serbisu iha prizaun refere ho konteudu nesesidade bazika hanesan manta, roupa, pastadente, rinso, sabaun, shampo no mos fasilidade desportiva nian.
Iha biban nee Diretora Jeral Prezidensia Republika, Aida Maria dos Santos, iha nia diskursu hateten, prezensa Prezidensia nian iha Prizaun Gleno, laos tanba valor sasan, maibe kona-ba valor sentidu humanidade.
“𝘖𝘧𝘦𝘳𝘵𝘢 𝘩𝘪𝘳𝘢𝘬 𝘯𝘦𝘦𝘣e 𝘢𝘮𝘪 𝘭𝘰𝘳𝘪 𝘮𝘢𝘪 𝘭𝘢𝘰𝘴 𝘧𝘰𝘭𝘪𝘯 𝘣𝘰𝘰𝘵, 𝘮𝘢𝘪𝘣e 𝘴𝘰𝘳𝘵𝘦 𝘣𝘰𝘰𝘵 𝘩𝘰 𝘴𝘦𝘯𝘵𝘪𝘥𝘶 𝘥𝘰𝘮𝘪𝘯, 𝘩𝘶𝘴𝘪 𝘗𝘳𝘦𝘻𝘪𝘥𝘦𝘯𝘵𝘦 𝘙𝘦𝘱u𝘣𝘭𝘪𝘬𝘢 𝘯𝘪𝘢𝘯 𝘣𝘢 𝘪𝘮𝘪 𝘩𝘰𝘵𝘶. 𝘔𝘢𝘴𝘬e 𝘯𝘪𝘢 𝘭𝘢 𝘱𝘳𝘦𝘻𝘦𝘯𝘵𝘦 𝘧𝘪𝘴𝘪𝘬𝘢𝘮𝘦𝘯𝘵𝘦 𝘪𝘩𝘢 𝘯𝘦𝘦, 𝘮𝘢𝘪𝘣e 𝘯𝘪𝘢 𝘩𝘢𝘬𝘴𝘰𝘭𝘰𝘬 𝘯𝘰 𝘯𝘪𝘢 𝘥𝘦𝘻𝘦𝘫𝘶 𝘉𝘰𝘢𝘴-𝘍𝘦𝘴𝘵𝘢𝘴 𝘕𝘢𝘵𝘢𝘭 𝘣𝘢 𝘪𝘮𝘪 𝘩𝘰𝘵𝘶, 𝘮𝘢𝘬 𝘰𝘩𝘪𝘯 𝘢𝘮𝘪 𝘵𝘰𝘰 𝘪𝘩𝘢 𝘯𝘦𝘦,” hateten nia.
Nia hatutan, programa karidade natal nee halo tinan-tinan, hanesan parte husi kooperasaun Prezidensia Republika ho Sosiedade Sivíl, atu garante katak maluk sira neebe hela iha situasaun vulneravel mos sente Natal hanesan ema sira seluk.
Nunee mos Asesor Unidade Servisu Sosiedade Sivíl no Asuntu Sosial, Quintiliano Moniz hateten, vizita nee hanesan liman ain husi Prezidente Republika, Jose Ramos Horta no Primeiru Ministru, Kay Rala Xanana Gusmão.
“𝘈𝘮𝘪 𝘮𝘢𝘪 𝘪𝘩𝘢 𝘯𝘦𝘦 𝘭𝘢𝘰𝘴 𝘵𝘢𝘯𝘣𝘢 𝘴𝘢𝘴𝘢𝘯 𝘥𝘦𝘪𝘵, 𝘮𝘢𝘪𝘣e 𝘵𝘢𝘯𝘣𝘢 𝘥𝘰𝘮𝘪𝘯 𝘯𝘦𝘦𝘣e 𝘮𝘢𝘪 𝘩𝘶𝘴𝘪 𝘗𝘙 𝘯𝘰 𝘗𝘔. 𝘗𝘢𝘭𝘢𝘴𝘪𝘶 𝘗𝘳𝘦𝘻𝘪𝘥𝘦𝘯𝘴𝘪𝘢𝘭 𝘮𝘢𝘬 𝘗𝘢𝘭𝘢𝘴𝘪𝘶 𝘥𝘰 𝘗𝘰𝘷𝘶, 𝘯𝘢𝘬𝘭𝘰𝘬𝘦 𝘣𝘢 𝘦𝘮𝘢 𝘩𝘰𝘵𝘶 𝘯𝘰 𝘢𝘴𝘢𝘶𝘯 𝘬𝘢𝘳𝘪𝘥𝘢𝘥𝘦 𝘯𝘦𝘦 𝘱𝘢𝘳𝘵𝘦 𝘩𝘶𝘴𝘪 𝘗𝘳𝘰𝘨𝘳𝘢𝘮𝘢 𝘗𝘳𝘦𝘻𝘪𝘥𝘦𝘯𝘵𝘦 𝘯𝘪𝘢𝘯 𝘥𝘦𝘴𝘥𝘦 𝘯𝘪𝘢 𝘮𝘢𝘯𝘥𝘢𝘵𝘶 𝘩𝘢𝘩,” dehan Asesor nee.
Nia sublina, Prezidensia Republika la foka deit ba prizaun Gleno, maibe mos sei kontinua asaun hanesan ida nee iha Prizaun Suai no Dili no mos fahe ona ba iha orfanatu sira iha Munispiu sira.
Iha mensajen ida husi Prezidente Republika nian neebe too direta ba prizioneiru sira, Quintiliano Moniz Carvalho hatoo liafuan ho esperansa
“𝘐𝘵𝘢 𝘩𝘰𝘵𝘶 𝘭𝘢 𝘴𝘦𝘴 𝘩𝘶𝘴𝘪 𝘴𝘢𝘭𝘢, 𝘮𝘢𝘪𝘣e 𝘗𝘙 𝘯𝘪𝘢 𝘭𝘪𝘢𝘧𝘶𝘢𝘯 𝘮𝘢𝘬 𝘯𝘦𝘦: 𝘴𝘢𝘪 𝘩𝘶𝘴𝘪 𝘯𝘦𝘦 𝘩𝘰 𝘣𝘶𝘢𝘵 𝘥𝘪𝘢𝘬, 𝘩𝘦𝘭𝘢 𝘣𝘶𝘢𝘵 𝘴𝘢𝘭𝘢 𝘩𝘰𝘵𝘶 𝘪𝘩𝘢 𝘯𝘦𝘦 𝘯𝘰 𝘸𝘢𝘯𝘩𝘪𝘳𝘢 𝘴𝘢𝘪 𝘩𝘶𝘴𝘪 𝘯𝘦𝘦 𝘭𝘰𝘳𝘪 𝘮𝘰𝘳𝘪𝘴 𝘧𝘰𝘶𝘯 𝘣𝘢 𝘧𝘢𝘮í𝘭𝘪𝘢 𝘯𝘰 𝘣𝘢 𝘪𝘵𝘢 𝘯𝘪𝘢 𝘴𝘰𝘴𝘪𝘦𝘥𝘢𝘥𝘦,” dehan nia.
Diretor Estabelesementu Prizional Gleno Ermera, Cristiano Salsinha, iha nia entrevista hateten, nia agradese profundu ba asaun karidade nee.
“𝘗𝘳𝘦𝘻𝘪𝘥𝘦𝘯𝘵𝘦 𝘭𝘢 𝘩𝘢𝘭𝘶𝘩𝘢𝘯 𝘯𝘪𝘢 𝘦𝘮𝘢 𝘴𝘪𝘳𝘢 𝘪𝘩𝘢 𝘧𝘢𝘵𝘪𝘯 𝘬𝘭𝘰𝘰𝘵 𝘯𝘦𝘦. 𝘈𝘴𝘢𝘶𝘯 𝘬𝘢𝘳𝘪𝘥𝘢𝘥𝘦 𝘗𝘳𝘦𝘻𝘪𝘥𝘦𝘯𝘵𝘦 𝘯𝘪𝘢𝘯 𝘯𝘦𝘦, 𝘭𝘢𝘩𝘢𝘳𝘦𝘦 𝘦𝘮𝘢 𝘴𝘪𝘳𝘢 𝘪𝘩𝘢 𝘭𝘪𝘦ur 𝘥𝘦𝘪𝘵, 𝘮𝘢𝘪𝘣e 𝘵𝘢𝘮𝘢 𝘮𝘰𝘴 𝘪𝘩𝘢 𝘧𝘢𝘵𝘪𝘯 𝘪𝘥𝘢 𝘬𝘭𝘰𝘰𝘵 𝘯𝘦𝘦, 𝘢𝘨𝘳𝘢𝘥𝘦𝘴𝘦 𝘵e𝘣𝘦𝘴 𝘣𝘢 𝘢𝘴𝘴𝘢𝘶𝘯 𝘴𝘪𝘳𝘢 𝘯𝘦𝘦,” katak nia.
Tuir dadus ofisial iha estabelesementu Prizional Gleno, agora total prizioneiru iha 97, kompostu husi feto nain 20 no mane hamutuk nain 77, inklui sidadaun estranjeiru nain 4 nee kumpri hela sentensa iha Gleno, iha mos bebe no labarik kiik nain 3 (feto 2 no mane 1). Bebe no labarik kiik sira nee hela hamutuk ho sira nia inan, tanba nia inan mak iha problema maibe nia oan inosente. Bazeia ba lei neebe permite, oan hela ho inan too tinan 2 hafoin mak entrega ba família. Autoridade prizaun sira, iha kooperasaun nafatin ho setor saude atu kontinua tau matan espesial ba bebe no labarik kiik sira nee, tanba sira inosente no presiza protesaun.
Jornalista: Emerenciana Pinto
Editora: Domingas Gomes
