DILI, STLTIMORLESTE.com – Prezidente Republika (PR), Jose Ramos Horta hatete, selebrasaun loron boot sidadaun hotu bele festeza hemu tua, maibe nafatin ho konsiensia pas no estabilidade iha ema sosiedade.
“Hemu tua barak ka oituan nee kofrme idak-idak nia desizaun. Lanu balun monu toba tiha, balun aranja problema, polísia kaer, nee normal iha ita nia vida loro-loron, laos natal no tinan foun deit,” dehan Prezidente Republika Jose Ramos Horta ba jornalista iha Palasiu Prezidensial Nicolau Lobato, Bairo Pite, Segunda (29/12/2025).
Nia hatete, iha loron boot ema idak idak iha direitu festeza ksolok hodi hemu tua, ida nee Prezidente rasik labele bandu. Se hemu tua barak ka oituan nee fila fali ba ema idak idak nia desizaun no Prezidente laiha direitu atu mete, nee ema idak idak nia hakarak hodi festeza loron boot, se hemu lanu diak liu toba tiha lalika barulhu fali iha sosiedade hodi perturba ema seluk nia deskansa.
Jornalista: Emerenciana
Editora: Domingas Gomes
