DILI, STLTIMORLESTE.com – Hahu husi fulan Janeiru too Dezembru tinan 2025, Polisia Nasional Timor Leste (PNTL) liu husi Diresaun Tranzitu Rodaviariu iha Munisipiu 14 rejistu kazu asidente hamutuk 2,224, husi númeru nee mate iha nain 114.
Nia dehan, relatoriu anual tinan 2025 nian hahu fulan Janeiru too fulan Dezembru PNTL rejístu kazu asidente 2,224 iha Timor laran tomak.
“Ita rejista kazu asidente hamutuk 2,224 no husi númeru nee mate ema nain 114,” hatete Xefe Departamentu Koordensaun Jestaun Risku, Formasaun Edukasaun Sívika, Superintendente Asistente Polísia, Domingos Sarmento Gama ba jornalista sira iha nia knra fatin Komando Jeral PNTL, Kinta (08/01/2026).
Nia esplika, husi númeru 2,224 nee mate nain 114, kanek kmaan nian 2,625, kanek todan 411.
“Signifika kazu asindente iha Timor laran tomak nee ita konsidera katak kazu asidente nee númeru aas, tanba kada tinan ema mate 100 ba leten,” nia informa.
Nia deklara, faktores nee ema 90% nee signifika motorista sira liu-liu ba kondutor sira mak laiha antesaun ba movimentu sira husi Dili ba Munisipiu no Munisipiu ba Munisipiu.
“Ita rejístu iha nee fator ema 09%, fator vehiclu 5% fator dalan 5%, fator natureza 0%, signifika ita nia natureza iha Timor Leste nee parte natureza diak,” nia konklui.
Reportajen: Jeniche da Costa
