DILI, STLTIMORLESTE.com – Eskola Sekundáriu Jeral 10 Dezembru Komoro halo karta urujente ba Ministeriu Edukasaun (ME), hodi bele koloka profesores ba sira nian eskola.
Haktuir Diretor Eskola Sekundariu Jeral 10 Dezembru Komoro, Manuel Verdial ba jornalista STL iha nia knaar fatin Komoro, Segunda nee (12/01/2026).
“Ita nian profesores husi ami nian eskola nee rua mak tama iha reforma obrigatoriu, tanba nee ita hein ita nian vagatura husi ME, nomos ita hatoo ona ba ME hodi koloka profesores nain rua neebe tama reforma, ita hatoo ona karta urjentemente ba ME atu ministeriu bele koloka profesores ba lian português nian iha Tempu badak nian laran, oinsa mak husi ministeriu bele koloka profesmsores mai ami nian eskola,” nia informa.
Nia dehan, profesores nain rua reforma nee ba lian português ninia, ida nee obrigatoriu oinsa mak ministériu tenke koloka profesores iha fulan Janeiru nian laran no ba hirak neebe mak foin daudaun tuir ona teste Bolsa Kandidatu nee bele koloka mai iha sira nian eskola, profesores nain rua tama ona ba reforma obrigatoriu.
(jac)
