DILI, STLTIMORLESTE.com — Observador Politika iha rai laran husu ba governu atu buka tuir restu mortais sira neebe too agora seidauk hetan.
Observador Politika, Martinho de Oliveira hatete, kestaun nee uluk kedas nia sempre kestiona ba restu mortais sira nia ruin, tenke buka tuir, maibe too ohin loron seidauk iha infomasaun husi governu relevante.
“Ita sempre ezije governu tau responsavel oinsa buka halo ligasaun ho parte Indonezia, atu bele lori hikas ita nia eroi sira neebe mak mate iha tinan 1975,”dehan Martinho ba STL, iha Kolmera, Kuarta (14/01/2026).
Nia dehan, governu halo esforsu maibe seidauk iha informasaun klean husi parte relevante.“Ita sente hanesan laiha resposta, husu goveru ida nee. Tanba sira sempre ejize bebeik maibe too ohin loron ita haree hanesan laiha resposta,” dehan Martinho.
Martinho hatutan, halo aprosimasaun ho governu Indonezia para depois bele hetan resposta ruma husi restus mortais Timor oan sira ka lae. Tanba hanesan hotu hotu asisti ezijensia sira nia hanesan mai husi familia sira neebe maka lakon sira nia inan, aman, oan, maibe preokupasaun sira nee kontinua laiha resposta too agora.
Iha parte ketak Jerasaun Patriota, Jose de Carvalho hatete, saudozu sira neebe mak fo sira nia ruin, lakon iha tempu neeba too ohin loron Timor-Leste ukun rasika aan seidauk hetan restu mortais ida.
(car)
