DILI, STLTIMORLESTE.com – Relasiona ho aniversariu jornal Suara Timor Lorosae (STL) neebe sei selebra iha loron 1 Fulan Fevereiru ba dala 33, husu jornalista sira hotu servisu ho profisionál no justu.
Lia hirak nee hatoo husi Superintendente Edukasaun Munisípiu Dili, Cesarina Correia Guterres ba jornalista STL, Kinta nee (15/01/2026).
“Laos kritika, maibe nee hanesan sujestaun deit, no parabens ba aniversariu ezistensia Jornal STL nian ba dala 33 neebe mak sei monu iha dia 1 Fevereiru, nunee husu redasaun sira ou media sira tenke servisu ho profisional, los no Justo. Aumenta esperiensia matenek ba nasaun doben Timor Leste, espesial ba STL, oinsa fo sai notisia iha jornal STL neebe los no justu ba ita nian leitores sira hotu,” dehan nia.
Cesarina hatutan, dala ida tan parabens ba jornalista sira hotu neebe mak servisu iha media STL, ho ezistensia jornal STL ba dala 33 iha tinan ida nee, fo sai notisia neebe los ba leitores sira hotu, dala ida tan parabens ba STL.
(jac)
