DILI, STLTIMORLESTE.com – Prezidente Tribunal Rekursu (PTR), Afonso Carmona hatete, nia labele fo komentariu kona-ba Lei Pensaun Mensal Vitalisia (LPMV) nee bainhira mak deklara konstitusional ka inkonstitusional tanba Juis Titular mak kaer.
Prezidente Tribunal Rekursu, Afonso Carmona hatoo kestaun nee ba jornalista sira, bainhira remata halo enkontru ho Prezidente Republika Jose Ramos Horta iha palasiu Prezidensial Nicolau Lobato, Bairo Pite, Kinta (15/01/2026) hatete, nia labele fo komentariu kona-ba LPMV nee bainhira mak dekreta konstitusional ka inkonstitusional tanba Juis titular mak kaer.
“Nee hau koalia bebeik ona too ema demo tan hau imi la rona ka, prosesu lao hela agora bainhira, bainhira, juis titular mak kaer hau la hatene bainhira? Ita atu dekreta konstitusional ka inkonstitusional nee prosesu liga ho legal, maibe atu bainhira hau labele komentariu ba ida nee,” dehan PTR.
Prezidente Tribunal Rekursu hatete, LPMV neebe hatama atu dekreta konstitusional ka inskonstituisaun la liu prazu, importante nia andamentu mak labele liu prazu.
“Importante nia andamentu mak labele liu prazu, liu prazu buat nee nulu maibe agora nia andamentu tuir hela nee, entaun Juiz nia desizaun laiha ligasaun,” katak PTR.
PTR dehan, hakarak deklara LPMV nee konstitusional ka institusional nee lais, entaun halo lais tribunal supremu para kapasita juis sira hodi buat hotu lao lais.
(eme)
