DILI, STLTIMORLESTE.com – Bainhira Governu rekruta funsionariu foun tenke kualidade, atu nunee bele halao servisu ho diak.
Observador Politika, Manuel da Costa hatete, rekrutamentu funsionariu ba Ministeiru sira ho kualidade nee laiha problema, maibe ba atu aprende lori estadu nee ba neebe.
“Ita la kestiona kuandu rekrutamentu politika, maibe ita hakarak hatama ema iha ita nia fatin tanba ita nia kargu, ema mai ho kualidade neebe ita espera nia bele ajuda laiha problema, maibe nia mai depois maka nia aprende fali buat balun iha neeba, hau hanoin ita atu lori estadu nee ba loos neebe,” dehan Manuel ba STL, iha nia hela fatin, Kaikoli, Dili, Kuarta (21/01/2026).
Nia dehan, tuir informasaun neebe sira hatene funsionariu publiku sira neebe durante nee servisu la kestiona hatama ema ho apoiu politiku, maibe sira halo saida iha Ministeiru, tanba balu deit loke kompotador la hatene.
Iha fatin ketak Akademista UNDIL, Antonio Xavier husu ba sidadaun sira atu labele halo kritika deit ba ema neebe servisu iha governu, tanba sira ba iha neeba para atu serbi povu no nasaun nee, laos serbi ba sira nia familia ka grupu mak hodi dehan sira halao servisu la hatene.
Neebe sei hakarak atu ba tuur iha fatin neeba, esforsu aan, atu nunee 2028 bele ba tuur fali iha neeba mos bele.
(car)
