DILI, STLTIMORLESTE.com – Eskola privadu no katolika sira simu estudantes mai husi munisipiu hodi bele kontinua sira nian estudu iha kapital Dili.
Asuntu nee hatoo husi Diretor Eskola Sekundáriu Nobel da Paz, Jeremias P. de Jesus ba jornalista STL, Kinta nee (22/01/2026).
“Hau hanoin ami hanesan eskola privadu no eskola katolika sira, ami simu ita nian estudantes sira mai husi munisipiu atu bele kontinua sira nian estudu iha kapital Dili, nee duni ami simu estudantes tuir ami nian kondisaun no fasilidade neebe mak ami iha, tanba durante nee iha ami nian inskrusaun ami simu ita nian estudantes sira mai husi munisípiu, naran katak sira lori sira nian dokumentus neebe ami presiza,” dehan nia.
Jeremias akresenta, kada tinan eskola Nobel sempre simu estudantes sira mai husi munisipiu, maibe eskola públiku sira mak la simu, nee duni eskola nobel simu estudantes husi munisípiu mai Dili, tantu tama iha sekundariu no ensinu baziku, nee sira simu deit no aprendizajen daudaun nee lao ona.
(jac)
