DILI, STLTIMORLESTE.com – Timor Leste (TL) ukun aan tinan rua nulu resin, maibe too agora povu seidauk hetan rekonhesimentu ba rai ida sira hela ba nee.
Kestaun nee hatoo husi Jerasaun Patriota, Jeronomi Quintão Soares ba STL iha Delta, Dili, Tersa (27/01/2026).
“Ita lahatene tanba sa governu seidauk atribui titulu nain ba rai ba povu idak idak, governu kala latau importansia ba kestaun tanba nee agora governu seidauk loke dalan atu povu bele hetan sertifikadu ba rai ida povu horik ba, no aat liu duni povu tun sae hela deit husi sira nia hela fatin,” dehan Jeronimo.
Nia hatutan, governu iha Sekretaria Estadu Estadu Terras no Propriadade desde primeiru governu konstitusional too governu ida agora, maibe Sekretaria Estadu Terrsa no Propriadade serbisu deit saida seidauk halo lei ruma hodi atribui nain ba rai ba povu idak idak.
Tanba rai ho ema belit malu tuir loloos governu tenke sertifika ona rai hodi entrega ba ema, maibe too agora governu lafo importansia, tanba dala ruma governu hakarak buka aproveitamento ba rai iha biban povu hotu hotu laiha sertufikadu ba rai.
“Ita rona barak ona liu media sira kona ba desputa rai entre governu ho povu no povu ho povu, maibe desputa sira nee dala hotu laos hotu liu husi dialog ka negosiasaun, maibe dala barak governu ka entidade balu uza autoridade kompetensi hodi halo presaun,”dehan nia.
Iha parte ketak, Akademista Universidade Dili (UNDIL), João Bonaparte da Silva hatete, atu prevene labele mosu problema hadau malu rai entre komunidade sira, governu tenke sertifika ona rai hodi fo ba komunidade sira.”Para ita nia povu kiik nee labele oho malu, tanba deit rai rohan ida,” dehan João.
(car)
