DILI, STLTIMORLESTE.com – Sekretaria Estadu ba Igualdade (SEI ) hamutuk ho parseiru halo avaliasaun ba progresu implementasaun Planu Asaun Nasional (PAN) Violensia Bazeia ba Jeneru (VBJ) periodu 2024-2026.
Sekretaria Estadu ba Igualdade SEI hamutuk ho Programa Nabilan, The Asia Foundation, FOKUPERS, Fundasaun Alola no ALFELA nomos seluk tan realiza avalisaun ba progresu implementasaun Planu asaun Nasional PAN Violensia Bazeia ba Jeneru VBJ periodu 2024-2026.
Objetivu Avalia progresu implementasaun PAN-VBJ periodu 2024 2026, Progresu, dezafiu no planu ba on hodi kontribui ba relatoriu implementasaun PAN-VBJ neebe SEI dezenvolve hela no sei submete ba Parlamentu Nasional iha tempu badak.
Iha biban nee Diretor Jeral SEI, Armando da Costa ba jornalista iha Timor Plaza Kuarta (28/01/2026) hatete, atividade ida ohin nee SEI hamutuk ho lina ministerial sira halo avaliasaun ba implementasaun ba PAN-VBJ no sosiedade sivíl sira no parseiru internasional no apoiu sira husi DFAT liu husi programa Tap Nabila no progama PAN-VBJ.
“Tanba nee ita realiza Worshop loron ida hodi haree ba jornada implementasaun PAN-VBJ ba faze datoluk nian neebe tama ona ba tinan tolu ba planu neebe mak ba tinan 10 nian, Iha loron ida nee ita sei haree hamutuk hodi avalia duni nia progresu, iha progresu balun neebe ita halao kada pilar, ezemplu ita establese ona komisaun interministerial ba implementasaun liuhusi rezolusaun Governu nunee mos ita establese ona feramentu balun ba iha monitorizasaun no avaliasaun nian no ekipa mos halo hela servisu ba iha monitorizasaun no agora prepara hela draf relatoriu ba iha implementasaun durante tinan tolu ikus nee,” dehan Diretor Jeral.
Diretor Jeral dehan atividade prevensaun ninian iha atividade lubun ida maka SEI realiza liu husi desiminasaun infomasaun sira nunee mos formasaun ba universidade ho eskola sekundaria sira iha nasional no mos munisípiu sira hodi hasae konesimentu asuntu kona-ba violensia hasoru feto no labarik feto iha fatin publiku.
No planu asaun nee kauza komun neebe iha grupu traballu jeneru estabelese iha munisípiu hotu. PAN-VBJ iha parseiru barak ezemplu husi família ONU, UN Women, UNFPA, UNDP no mos seluk tan neebe iha investimentu uituan inklui parseiru boot hanesan DFAT liuhusi nia programa lubun ida hanesan Progama Nabilan.
Sekretaria Estadu ba Igualdade hanesan instituisaun Governu neebe estabelese bazeia ha iha Dekretu-Lei Nu. 74/2023, loron 14 fulan-Setembru husi Organika Sekretaria Estadu ba Igualdade (SEI), tutela iha Presidencia konselho Ministro (PCM), serbisu ba promove igualdade no inkluzaun sosial no Prevensaun Violensia Bazeia ba Jeneru hodi Hakbiit Ekonomia no promove partisipasaun feto iha vida politika no nivel foti-desizaun.
Sekretaria Estadu ba Igualdade (SET) hanesan Instituisaun Estadu neebe ho nia papel no responsabilidade atu halo advokasia, koordena no monitoriza ba implementasaun Abordajen Integrada Jeneru iha Lei, Politika, Programa no Orsamentu Estadu nian.
(eme)
