DILI, STLTIMORLESTE.com – Joven neebe gradua ona tenke kria kampu servisu ba nia aan rasik, labele depende ba governu.
Kestaun nee hatoo husi Vise Reitor III Univerisidade Dili (UNDIL), Hugo Lourenco da Costa ba STL iha UNDIL, Kintal Boot, Kinta ( 29/1/2026).
Nia dehan, dadaun nee media fasilita ema oinsa kria kampu traballu ba ema ba nia aan no oinsa emprega ema seluk ba iha servisu sira kria, ida nee mak importante.
Tan nee, katak nia, univerisidade transmiter siensia konesementu ba sira, atu ema laos deit buka servisu iha ema seluk nia fatin, iha governu iha empreza sira, maibe oinsa mak rekursu umanu produs nee bele kria kampu traballu.
Nia dehan, univerisidade nuudar instituisaun akademika produs ho kapasidade skill konhesimentu tuir siensia atu bele servisu iha neebe deit.
Maibe labele depende ba ema seluk ka governu, tanba siensia neebe hetan iha univerisidade konhesimentu abilidade iha sira bele produs rasik ba sira nia aan.
Tanba nee esensial husi siensia neebe estudante aprende iha universidade depois sira gradua mak saida primeiru atu servisu iha neebe deit, atu bele produs kampu de traballu ba sira aan no ba ema seluk nee mak esensia ba ema eskola.
Joven estudante Timor oan sira tenke eskola estuda, tanba asaun ba oin kuandu nia sidadaun formasaun iha Edukasaun neebe mak diak liu-liu iha Edukasaun formal nunee mak Universidade eskola sira hotu-hotu prepara rekursu umanu nasaun ida nia futuru neebe diak, futuru neebe fo prospiu.
(joa)
