DILI, STLTIMORLESTE.com – Prezidente Republika (PR), Jose Ramos Horta hatoo hondra ba madre sira husi kongregasaun Canosiana neebe fo dedikasaun makaas ba joven no estudante sira.
Prezidente Republika (PR), Jose Ramos Horta hatoo kestaun nee liu husi nia diskursu, bainhira partisipa selebrasaun Orfonatu sira iha Balide, Domingu (01/02/2026). Prezidente Ramos Horta Onra Dedikasaun Madre Canosiana sira-nian iha Selebrasaun Orfanatu Balide.
Iha loron importante nee Prezidente Republika, Ramos Horta hamutuk ho komunidade Orfanatu Madre Canosiana Balide hodi selebra sira-nia loron espesial, hodi hatoo agradesimentu laran luak ba misaun nia serbisu dedikadu ba labarik sira iha nasaun laran.
Iha nia diskursu, Xefe Estadu rekonhese espesialmente servisu makaas husi Madre Canosiana sira, inklui Madre Filomena, Madre Germina, no Madre Sebastiana neebe serbí juventude vulneravel sira iha Dili, Baukau no misaun rejional sira.
“Enfatiza papel vital neebe instituisaun relijioza sira iha hodi fo refujiu, edukasaun, no matadalan moral ba jerasaun foun timoroan sira.
Xefe Estadu dehan, iha espíritu unidade komunidade nian, Prezidente mos hatoo agradesimentu ho laran ba autoridade lokal sira no rezidente sira iha aldeia Balide ba sira-nia apoiu kontinuu ba orfanatu nee.
Nia sublina katak, labarik sira nia bem-estar mak responsabilidade koletiva ida, hodi apresia parseria neebe diak entre orden relijioza, líder lokal sira, no Estadu.
Afirma fila-fali ninia administrasaun nia kompromisu ba solidariedade sosial, Prezidente konklui hodi fo obrigadu ba sira hotu neebe prezente tanba sira-nia kompaisaun no tanba mantein Balide nuudar fatin esperansa no refujiu nian.
(eme)
