DILI, STLTIMORLESTE.com – Eskola internasional tolu (3) nibel pre eskolar iha Munisípiu Vikeke seidauk hetan akreditasaun husi Gabinete Avaliasaun Lisensiamentu no Akreditasaun (GALA).
Informasaun nee hatoo husi Diretor Servisu Edukasaun Munisípiu Vikeke, Julio Sacadura ba STL liu husi telefone, Sabadu nee (07/02/2026).
“Daudaun nee ami identifika ona ita nian eskola internasional tolu neebe ho nibel pre eskolar iha Munisípiu Vikeke seidauk hetan akreditasaun husi parte ME liu husi GALA, no sira seidauk iha karta lisensa ruma atu loke eskola refere, tolu nee mak ami foin identifika no seluk nee ami nafatin halo identifikasaun iha terenu,” nia dehan.
Julio hatutan, dadus nee tolu nee deit, tanba agora daudaun sira sei kontinua identifika nafatin, pre eskolar tolu neebe mensiona nee laiha karta lisensiamentu, nee duni sira sei fo informasaun ba iha ministériu.
“Ita nafatin identifika, tanba eskola sira nee balun iha numeru emis no balun laiha, hirak neebe iha numeru emis nee signifika sira iha ona merenda eskolar, foin daudaun husi parte edukasaun nian koalia ona katak, sira labele simu ona estudantes foun.
(jac)
