DILI, STLTIMORLESTE.com – Joven tenke kria servisu ba aan rasik, labele tane liman ba governu.
Joven barak ohin loron hakarak governu kria servisu ba sira, realidade neebe akontese nee loke vaga ba apply, kuandu laiha tur hein governu.
Tenke esforsu aan liu husi atividade kiik sira para kria kampu empregu aan rasik, nomos fo empregu ba maluk sira seluk, se hein governu bainhira mak sai realidade.
“Joven kria servisu ba aan rasik, ita labele depende ou tane liman ba governu,” hatete Koordenador Empreza Neljon Agrikultura, Armandina Belo ba STL, Kinta (5/2/2026).
Tanba nee kria servisu rasik nomos fo servisu ba maluk sira, labele presiza servisu boot, maibe oinsa servisu kiik bele hetan osan ba futuru, neineik ba neineik sei lao diak ba oin kuandu iha kreatividade, maibe hakarak hein governu atu fo servisu nee susar oituan.
Oinsa hatudu ba governu katak joven mos bele, katak siensia neebe aprende bele aplika iha komunidade nomos sosiadade.
(joa)
