DILI, STLTIMORLESTE.com – Primeiru Ministru (PM), Kay Rala Xanana Gusmão aprezenta programa neebe Timor Leste sei halo iha Guine Bissau iha 2026-2027 ba Prezidente Republika (PR), Jose Ramos Horta.
Bainhira remata hasoru malu, Primeiru Ministru Kay Rala Xanana Gusmão ba jornalista sira iha Palasiu Prezidensial Nicolau Lobato, Bairo Pite Kinta nee (19/02/2026) hatete, enkontru ohin ho Prezidente Republika premeiru asuntu neebe hatoo ba Prezidente kona-ba problema Guine Bissau, tanba Guine Bissau neebe agora Governu tranzisaun mais Golpe estadu.
“Hau husu deskulpa ona ba sira tanba ita labele tama iha rai seluk nia asuntu, hau hakarak fo lembra deit katak iha 2014 Prezidente Republika nuudar Reprezentante espesial Sekretariu Jeral ONU depois de Golpe militar mos,
Quartu Governu mos ba ajuda primeiru eleisaun livre demokratika depois de tinan 40 mais nee partense ba kotuk, Primeiru husu deskulpa fali ba Governu trazisaun ida agora ukun hela Guine Bissau, tanba nee mak Prezidente Republika mos konkorda husu Governu pozisaun atu ba iha neeba husi Timor nia.
“Prezidente mos konkorda husu Governu nia pozisaun ba iha neeba husi Timor nia ita kansela tiha maibe komu ita simu Prezidensia CPLP ninia tinan ida nee atu kontinua, lo-loos nee atividade neebe fo hela ba Guine Bissau komu sira labele nee mak ohin hau mai aprezenta ba senhor Prezidente, ita sei halao nafatin atividade CPLP nia, ita sei halao nafatin iha 2026 kaer saida mak Guine Bissau nia, neebe nia la konsege halo too 2027 neebe prezidensia iha ita nia liman, tanba nee hau informa ona ba Prezidente ami iha Konselhu Ministru aprova tiha ona,” dehan Primeiru Ministru.
PM Xanana hatete, hahu iha 12-13 Marsu iha Lisboa reuniaun pontu fokais ba kooperasaun CPLP nia nunee mos iha dia 7 abril sei iha Dili reuniaun Ministru Turizmu, nunee mos iha 4-5 Maiu iha Dili reuniaun Ministru kultura, iha 6-7 Maiu iha Dili reuniaun Ministru Edukasaun, iha 27-29 Maiu enkontru Ministru Defeza, nunee mos iha dia 1-2 Junhu ho Ministru Komersiu, no dia 2-3 Junhu ho Ministeriu Finansas nee iha Lisboa.
Iha 7-8 Junhu mos iha Lisboa, Ministru assunto do Mar, 3 julhu iha Cabo Verde, husi 13-17 Julhu iha Dili, no 17 Julhu CPLP halo 30 anos nee sei iha Dili, 28-29 Outubru iha Dili Ministru de ensinu superior siensia no Teknólojia primeira konzena de novembru cabo verde reuniaun Ministru de Desportu 2026.
“Ita la haruka ita nia misaun atu ba ajuda rezolve krize neebe iha neeba, neebe ita sei kumpre ita nia obrigasoens tanba CPLP mak fo neebe ita sei kumpre nee mak ohin hau temi tiha ona ba ita boot sira,” dehan Primeiru Ministru.
Iha biban nee Xefe Governu mos relata planu IX Governu Konstitusional nia ba Prezidente Republika Jose Ramos Horta katak, iha semana oin Governu sei realiza desentralizasaun Governu Lokal.
(eme)
