DILI, STLTIMORLESTE.com – Tinan nee Institute Ciência Saude (ICS) seidauk submete proposta kona-ba subvensaun públika nian ba Ministeriu Ensinu Superior Siensia no Kultura (MESSK), tanba sei hein informasaun husi ministériu.
“Kona-ba subvensaun públika ba tinan ida nee nian ami seidauk submete ami nian proposta ba MESSK, tanba ami aeidauk iha informasaun husi MESSK, bainhira husi Ministeriu fo informasaun kona-ba ida nee ami foin bele hatama ami nian proposta ba sira, liga ba subvensaun públika ba tinan ida nee nian,” afirma Reitor Institute Ciência Saude (ICS), Leao Borges ba STL, Kinta nee (19/02/2026).
Nia dehan, kona-ba relatóriu subvensaun públika nian 50% neebe hetan iha tinan kotuk ba faze daruak nian, nee 100% relatóriu hatama tiha ona ba Ministeriu, ninia ezekusaun nee ba iha programa tolu, nee mak hanesan apoiu estudantes, dosentes no livrus, ninia ezekusaun ba subvensaun tinan kotuk nian mak ida nee.
“Subvensaun tinan kotuk nian nee ezukuta hotu ona no relatóriu mos ami haruka ona ba Ministériu, maibe ba tinan ida nee nian ami sei hein informasaun husi ita nian Ministériu, agora subvensaun públika nian ba tinan nee karik hetan mak ninia ezekusaun nee depende ba husi Ministeriu atu tau ba iha programa saida,” nia dehan.
Iha parte seluk, Reitor East Timor Coffee Institute ( ETCI), Mateus Maia de Jesus dehan, iha tinan kotuk 2025, East Timor Coffee Institute (ETCI) la hetan subvensaun públiku, tanba hetan transformasaun.
“Hau hanoin kona-ba subvensaun, ami nian relatóriu hatama iha loron 15 Janeiru tinan 2025, maibe ida nee subvensaun neebe mak ami hetan husi MESSK iha tinan 2024 ninia, nee ami hatama ratoriu tuir kalendariu Ministeriu nian. Ami 2025 la hetan subvensaun públika husi MESSK,tanba hetan transformasaun, tanba nee ba tinan 2025 ami la hetan subvensaun,” tenik nia.
(jac)
