DILI, STLTIMORLESTE.com – Ministeriu Edukasaun (ME) kria kondisaun ba estudantes defisiensia sira iha eskola Munisípiu Dili.
Haktuir Superintendente Edukasaun Munisípiu Dili, Cesarina C. Guterres ba jornalista STL, Sesta nee (20/02/2026).
“Relasiona alunus kondisaun defisiente iha eskola sira, los bazeia ba observasaun husi servisu inspetor no inspetora sira nota katak iha eskola sira maioria hetan ona orientasaun husi ME eskola hotu-hotu tenki halo rampa iha eskola sira no eskola sira realiza no halo tuir orientasaun hotu. Agora iha eskola balun neebe mak foin halo uma foun halo haris fatin iha fatin hodi tur sintina mos tau ona hodi asegura kondisaun defisiente sira nian realidade hahu iha eskola EBF Fatuhada,” nia informa.
Nia akresenta, ministra asesores, dirijentes nasionais Sub IG. NAF, NAE no inspetor no inspetora hotu atividade loron ohin halo observasaun ba eskola EBF Fatuhada, rezultadu observasaun konstrusaun uma andar 2 neebe kompanhia halo remata ona no ohin kompanhia no Diresaun Insfraestrutura ba observa sasan balun seidauk kompletu hanesan haris fatin ba estudante defisiente sira, besi neebe hodi fasilita estudante sira husi kompanhia seidauk monta hotu.
“Ho nunee sira ba kontinua monta no sei termina iha tempu badak atu entrega ona ba eskola. Eletrisidade parte infraestrutura halo ona proposta ba EDTL maibe seidauk hetan rezultadu no ami informa ba Parte Insfraestrutura atu tenta nafatin EDTL nunee monta ahi eletrisidade iha eskola refere. Rezultadu horiseik ami observa iha EBF Fatuhada mak nee relasiona eskola sira tau fatin ba konsidisaun kanorin difisiente sira nian,” nia esplika.
(jac)
