DILI, STLTIMORLESTE.com – Udan boot kuaze oras lima resin neebe akontese iha Domingu kalan (22/02/2026), afeta ba sistema faan pulsa, tanba bee tama too edifisiu Eletrisidade Timor Leste Empreza Publika (EDTL EP) nia laran no estraga sistema neebe iha.
“Eletrisidade Timor Leste, Empreza Publika hakarak informa ba publiku katak, relasiona ho udan boot neebe akontese horikalan no hamosu inundasaun iha Edifìsiu EDTL EP afeta ba sistema faan token enerjia,” haktuir nota komunikadu imprensa neebe STL asesu husi Pajina Facebook Ofisial EDTL EP, Segunda (23/02/2026).
EDTL EP daudaun nee halo servisu hodi rekupera no normaliza fila-fali sistema iha tempu badak nia laran. Tan nee, husu ba kliente hotu nia komprensaun hodi aguenta durante oras balun too sistema normaliza fila-fali.
“Ba ita boot sira nia kompriensaun no kolaborasaun hato’o obrigado wain,” sita husi komunikadu nee.
(alb)
