DILI, STLTIMORLESTE.com – Fundasaun Kristal hamutuk ho Aroutus de Evangelho, iha Domingu (22/02/2026) realiza misa asaun grasa iha Kapelinha Kristal.
Fundasaun Kristal hamutuk ho Aroutus de Evangelho realiza misa asaun Grasa agradesimentu ba loron Saun João Paulo II fo bensaun ba apostoladu Oratoriu Imaculada Coração de Maria iha loron 22 Fevereiru 2002, nomos loron peregrinasaun Virjen Maria, Fatubessiba teritoriu Timor Leste tomak, iha loron 22 fulan Fevereiru 1988, no loron festa Saun Calisto Caravario iha loron 25 Fevereiru 2026.
Prezidente Ezekutivo Fundasaun Cristal, Agostinho dos Santos Gonsalves liu husi nia diskursu iha salaun Kristal Balide Domingu (22/02/2026) hatete, lo-loos selebra ohin Kardeal, maibe tanba iha programa importante seluk, tanba nee la marka prezensa, no agradese ba amu Kapelaun Manuel Pinto maske Domingu maibe ho laran luak mai selebra misa nee hanesan figura dom Bosco neebe la husik nia oan sira antigu alunus ho Kristal neebe sempre halao knaar Dom Bosco nia iha Timor Leste.
Domingu tama iha tempu kuarezma ida nee importante ba ita hotu atu kontinua hametin familia, hanesan Aroutus de Evangelho, hanesan ita nia Amu Papa hatoo ba ita katak kuarezma nee ita haburas tau ita nia aan nafatin iha orasaun, esperansa no karidade ida nee mak importante, parabens ba Aroutus Evangelho neebe sempre lori orasaun ba familia, tanba ita boot sira nia knaar katak ita konsagra ita nia aan atu haklaken Evangelho,” dehan Prezidente Ezekutivu Kristal.
Prezidente Ezekutivo dehan, iha tempu global ida nee dala barak ema fo tempu lia ba mundu nia hakarak, maibe Aroutus de Evangelho mai hamutuk ho kreda lokal bele halao misaun lori orasaun ba familia hotu hotu.
“Hanesan apostoladu oratorio ita hatene katak nee hanesan mahein ba oratorio sira iha uma hotu-hotu, uma barak neebe la reza maibe ho apostoladu oratorio tinan 2 ona halao peregrinasaun lori apostoladu vizita familia hotu iha Sidade Dili kuaze uma rihun ida resin ita konsagra ita nia aan fila fali ho sarani sira haburas orasaun iha uma idak idak no grupu iha estasaun iha Konselhu pastoral hotu hotu,” katak nia.
Nunee mos Kordenador Jeral Aroutus de Evangelho, Tome de Deus hatutan, hanesan kordenador neebe hetan komfiansa husi fundasaun hodi halao responsablidade peregrinasaun Oratoriu imaculada de Maria ho tinan ida nee ba tinan 2.
“Halao peregrinasaun iha dia 5 janeiru 2024 kalan kalan lalakon esperansa husik buat hotu husik tempu tomak hamutuk ho familia boot Aroutus evanjelho hamutuk ho professor no dosente neebe kalan kalan sempre lao iha sidade Dili laran, no ohin hanoin fila fali 22 febreiru 2022 neebe santo padre joao Paulo II foti oratorio imaculada coracao de Maria sai mahien sai patron oba oratorio hotu hotu iha mundu liu liu oratorio idak idak iha nia uma,” dehan Kordenador.
Nia hatutan, iha mundu tomak ema hotu komemora maibe tanba ohin loron domingo tanba nee tuir kalendariu liturjia la festa boot maibe hanoin deit konaba data ida nee. No iha Timor foin selebra ba dala 2.
Nunee mos Padre Manuel Pinto liu husi diskursu hatete iha selebrasaun loron importante nee laos ema boot deit maibe iha mos bebe sira neebe mak prezensa hotu neebe ohin selebrasaun misa tanis, no rona husi Prezidente Ezekutivu Agostinho katak ho nain feto vizita familia sira haraik Grasa, bensaun bensaun ba sira neebe la kous mos bele kous tanba nee ohin lori hotu mai.
“Ita dehan ohin premeiru domingo kuaresma maibe maibe ita mos lahalo ohin festa a cadeira saun pedro iha 22 festa neebe hanoin konaba saun pedro nia poder, maibe tanba komu ohin Domingo entau Jesus nia loron nee mak pervalese duke santo sira,” katak Padre.
Iha biban nee padre husu nafatin ba Aroutus de Evanjelho hamutuk ho fundasaun nafatin kontinua halo orasaun hodi tama sai uma hodi haklake nain Maromak nia liafuan maibe nafatin kopera ho diosege nia programa sira nunee labele soke malu ho programa.
(eme)
