DILI, STLTIMORLESTE.com – Tinan nee estudantes nain tolu (3) husi Eskola Sekundariu Nobel da Paz eskola gratuita, la selu propinas.
Lia hirak nee hatoo husi Diretor Eskola Sekundariu Nobel da Paz, Jeremias P. de Jesus ba STL iha nia knaar fatin, Tersa nee (10/03/2026).
“Inan aman balun ninia oan nain 3 mak eskola iha nee, nee nain 2 mak selu, no ida seluk gratuita la selu propinas, nee duni tinan ida nee hau detekta ona ita nian estudantes nain 3 nee mak la selu propinas kada fulan, bainhira kuandu selu imi tenke mai reklama, tanba nee ba família neebe ninia oan nain 3 mak eskola iha nee, nee nain 2 mak selu, nain 1 la selu, nee tinan-tinan sempre iha,” nia dehan.
Nia afirma, ida seluk mak kbiit laek nian oan, nain rua nunee, nee husi eskola fo gratuita, la selu propinas, nain tolu nee nivel sekundariu, nain rua finalista ona no ida mak foin tama, nee duni estudantes nain 3 mak la selu.
“Kada loron nunee hela deit, mai eskola, maibe lakohi tama sala, ida nee mai buka siensia ou mai hamriik deit iha estrada oras too fila ba uma, nee inan aman ladun fo hanoin ba ninia oan sira, tanba husi parte eskola durante nee fo hanoin beibeik ona ba estudantes, maibe estudante sira mak la halo tuir,” haktuir nia.
Nunee mos Estudante Luis de Jesus da Costa dehan, kada fulan nia selu propinas US$ 5, tanba karik iha família ida nia oan nain 3 mak eskola iha nee, entaun nain 1 la selu, nain 2 mak selu kada fulan inklui haree mos ba kbiit laek nia oan.
“Kada fulan hau selu propinas US$ 5, tanba karik iha família ida nia oan nain 3 mak eskola iha nee, entaun ida la selu, nain 2 mak selu propinas kada fulan nomos haree ba kbiit laek nia oan,” nia informa.
(jac)
